കൊറിയർ സർവ്വീസിലൂടെ എത്തിച്ച മയക്ക് മരുന്ന് കൈപ്പറ്റാൻ എത്തിയപ്പോൾ പിടിയിൽ

കൊറിയർ സർവ്വീസ് വഴി പാഴ്സലായി വരുത്തിയ 200 മയക്ക് മരുന്ന് ഗുളികകളുമായി യുവാവ് പിടിയിലായി. പാലക്കാട് കാടാംകോട് കരിങ്കരപ്പുള്ളി എ കെ ജി നഗറിൽ ഹക്കീം ( 21 ) ആണ് സൗത്ത് പോലീസിന്റെ പിടിയിലായത് . ഹക്കിമിനെ കാണാതായ കാര്യത്തിന് ഹക്കീമിന്റെ അമ്മയുടെ പരാതി പ്രകാരം സൌത്ത് പോലീസ് സ്റ്റേഷനിൽ കേസ് രജിസ്റ്റർ ചെയ്ത് അന്വേഷണം നടന്നിരുന്നു. ഈ കേസിന്റെ അന്വേഷണ ഭാഗമായി ഹക്കീം ഉപയോഗിച്ചിരുന്ന മൊബൈൽ നമ്പർ പിന്തുടർന്ന് കൊറിയർ സർവ്വീസിൽ എത്തിയപ്പോഴാണ് സർവ്വീസ് വഴി ഹക്കീം കൈപ്പറ്റിയ പാഴ്സൽ പോലീസ് പരിശോധിച്ചപ്പോഴാണ് മയക്ക് മരുന്ന് വിഭാഗത്തിൽപ്പെട്ട നൈട്രോസെപാം ഇനത്തിലുള്ള 200 നൈട്രോസൺ ഗുളികകൾ കണ്ടെത്തിയത്. ടൌൺ സൌത്ത് എസ് ഐമാരായ അനിൽ കുമാർ പി ഡി , റെജികുട്ടി എം സി , സീനിയർ സിവിൽ പോലീസ് ഓഫീസർ പ്രദീപ് കുമാർ കെ സി , സിവിൽ പോലീസ് ഓഫീസർ രാജീവ് സി എന്നിവരാണ് അന്വേഷണ സംഘത്തിലുണ്ടായിരുന്നത്.