പതിനെട്ട് വയസ്സിന് മുകളിലുള്ളവർക്ക് ഉടൻ വാക്സിനേഷൻ നൽകണം

പതിനെട്ട് വയസ്സിന് മുകളിലുള്ളവർക്ക് വടക്കന്തറയിൽ ഉടൻ സമ്പൂർണ്ണ വാക്സിനേഷൻ നൽകണമെന്ന് ….വടക്കന്തറ ശ്രീ. തിരൂപുരയ്ക്കൽ ഭഗവതി ദേവസ്വം ട്രസ്റ്റി ബോർഡ് ആവശ്യപ്പെട്ടു. പാലക്കാട് നഗരത്തിലെ 50 മത് വാർഡ് ആയ വടക്കന്തറ പ്രദേശത്ത് കൊവിഡ് പ്രതിരോധ വാക്സിൻ (കൊവാക്സിൻ ,കൊവി ഷീൽഡ് ) രണ്ടാം ഘട്ടം 18 വയസ്സിന് മുകളിലുള്ളവർക്ക് ലഭിക്കാത്തതിനാൽ ജനങ്ങൾ ദുരിതത്തിലാണ് ,ഈ പ്രദേശം വലിയങ്ങാടിയിലുള്ള കച്ചവട സ്ഥാപന ഉടമകളും ,ജീവനക്കാരും തിങ്ങിപാർക്കുന്ന മേഘലയാണ് .കൊവിഡ് വ്യാപനം രണ്ടാം ഘട്ടത്തിൽ രൂക്ഷമായപ്പോൾ പരിസര വാർഡുകളിൽ 500 കുടുംബങ്ങളെ സാരമായി ബാധിച്ചിട്ടുണ്ട് കൂടാതെ നിരവധി ചെറുപ്പക്കാർ മരിച്ചിരുന്നു. ഏറ്റവും കൂടുതൽ ജനം തിങ്ങിപാർക്കുന്ന ഈ പ്രദേശത്ത് ജനസമ്പർക്കം കൂടുതലാണ് ,ആയതിനാൽ 18 വയസ്സിന് മുകളിലുള്ളവർക്ക് ഉടൻ തന്നെ വാക്സിനേഷൻ നൽകുന്നതിനുള്ള നടപടികൾ എടുക്കണ മെന്നാവശ്യപ്പെട്ട് വടക്കന്തറ ശ്രീ. തിരുപുരയ്ക്കൽ ദേവസ്വം ഭരണസമിതി അംഗങ്ങൾ പാലക്കാട് ബഹു: ജില്ലാ കളക്ടർക്ക്, എ.ഡി.എം ,ജില്ലാ മെഡിക്കൽ ഓഫീസർ, 50-ാം വാർഡ് കൗൺസിലർ എന്നിവർക്ക് നിവേദനം സമർപ്പിച്ചു.കൂടാതെ വാക്സിനേഷൻ സൗകര്യം ഒരുക്കുന്നതിന് ശ്രീ. തിരുപുരായ്ക്കൽ ദേവസ്വം മണ്ഡപം നൽകുവാനും തയ്യാറായി .. ട്രസ്റ്റിമാരായ ആർ സുഭാഷ് ,കെ.ഗോകുൽദാസ് ,പി.അച്ചുതാനന്ദൻ ,കെ. ക്യഷ്ണപ്രസാദ് വി.കെ ആർ പ്രസാദ് എന്നിവർ പങ്കെടുത്തു.