മയക്കുമരുന്നായ MDMA യുമായി വടക്കഞ്ചേരിയിൽ യുവാക്കൾ പിടിയിൽ

വടക്കഞ്ചേരി: മാരക ന്യൂജൻ മയക്കുമരുന്നായ MDMA യുമായി രണ്ട് യുവാക്കൾ ജില്ലാ ലഹരി വിരുദ്ധ സ്ക്വാഡിൻ്റെ പിടിയിലായി. 1.മുഹമ്മദ് ഷാഹിദ് ,വയസ്സ് 21, S/O സുലൈമാൻ , വെട്ടിത്തുലത്തിൽ വീട്, പ്രധാനി, വടക്കഞ്ചേരി 2. അനീസ് വയസ്സ് 22 S/O കബീർ ,തരിശിൽ വീട്, തെക്കേപൊറ്റ , പുതുക്കോട് എന്നിവരാണ് പോലീസ് പിടിയിലായത്. വടക്കഞ്ചേരി മംഗലം പാലത്തിന് സമീപം ആവശ്യക്കാർക്ക് വിതരണം ചെയ്യാൻ മോട്ടോർ സൈക്കിളിൽ പോകുമ്പോഴാണ് പ്രതികൾ പോലീസ് പിടിയിലായത്. പ്രതികളിൽ നിന്നും 2 ഗ്രാം MDMA പോലീസ് പിടിച്ചെടുത്തു . ബാംഗലൂരുവിൽ നിന്നാണ് മയക്കുമരുന്ന് എത്തിച്ചെതെന്ന് പ്രതികൾ പറഞ്ഞു . സംഘത്തിൽ കൂടുതൽ പേർ ഉൾപ്പെട്ടിട്ടുണ്ടോയെന്ന് പോലീസ് അന്വേഷിക്കുന്നുണ്ട്.