കത്തിപ്പടർന്നു തൊഴിലാളിരോഷം
പാലക്കാട്
ലക്ഷദ്വീപിൽ ജനാധിപത്യ അവകാശങ്ങൾ സംരക്ഷിക്കണമെന്നും അനിയന്ത്രിത ഇന്ധനവില പിൻവലിക്കണമെന്നും ആവശ്യപ്പെട്ട് സംയുക്ത ട്രേഡ് യൂണിയൻ നേതൃത്വത്തിൽ നാടെങ്ങും പ്രതിഷേധം. പഞ്ചായത്ത്, മുനിസിപ്പൽ കേന്ദ്രങ്ങളിൽ കോവിഡ് മാനദണ്ഡം പാലിച്ചായിരുന്നു സമരം. പാലക്കാട് ഹെഡ് പോസ്റ്റ് ഓഫീസിനു മുന്നിൽ സിഐടിയു സംസ്ഥാന വൈസ് പ്രസിഡന്റ് എ കെ ബാലൻ ഉദ്ഘാടനം ചെയ്തു.
ചന്ദ്രനഗർ പോസ്റ്റ് ഓഫീസീനുമുന്നിൽ സിഐടിയു സംസ്ഥാന കമ്മിറ്റിയംഗം എൻ എൻ കൃഷ്ണദാസ് ഉദ്ഘാടനം ചെയ്തു. മണ്ണാർക്കാട് ഹെഡ് പോസ്റ്റ് ഓഫീസിനു മുന്നിൽ സിഐടിയു ജില്ലാ പ്രസിഡന്റ് പി കെ ശശി ഉദ്ഘാടനം ചെയ്തു. ഒലവക്കോട് റെയിൽവേ സ്റ്റേഷനു മുന്നിൽ സിഐടിയു സംസ്ഥാന കമ്മിറ്റിയംഗം ടി കെ അച്യുതൻ ഉദ്ഘാടനം ചെയ്തു.
കെ മല്ലിക (എഐടിയുസി) അധ്യക്ഷയായി. കഞ്ചിക്കോട്ടിൽ സിഐടിയു അഖിലേന്ത്യാ വൈസ് പ്രസിഡന്റ് കെ കെ ദിവാകരൻ ഉദ്ഘാടനം ചെയ്തു. സംസ്ഥാന കമ്മിറ്റിയംഗം എസ് ബി രാജു സംസാരിച്ചു. ചിറ്റൂർ പോസ്റ്റ് ഓഫീസിനു മുന്നിൽ സിപിഐ എം ജില്ലാ സെക്രട്ടറിയറ്റ് അംഗം ഇ എൻ സുരേഷ്ബാബു ഉദ്ഘാടനം ചെയ്തു. ഷൊർണൂർ റെയിൽവേ സ്റ്റേഷനിൽ സിഐടിയു ജില്ലാ സെക്രട്ടറി എം ഹംസ ഉദ്ഘാടനം ചെയ്തു. പുതുശേരിയിൽ സംസ്ഥാന കമ്മിറ്റിയംഗം എം പത്മിനി, ശ്രീകൃഷ്ണപുരത്ത് എൻ ഹരിദാസ്, നെന്മാറയിൽ കെ ബാബു, പറളിയിൽ കെ വിജയൻ എന്നിവരും ഉദ്ഘാടനം ചെയ്തു. കിഴക്കഞ്ചേരിയിൽ കെ ബാലൻ ഉദ്ഘാടനം ചെയ്തു. ആലത്തൂർ അത്തിപ്പൊറ്റയിൽ കെ എൻ നാരായണൻ, അട്ടപ്പാടി പുതൂരിൽ വി എസ് ജോസ്, ചെർപ്പുളശേരിയിൽ ഇ ചന്ദ്രബാബു, തൃത്താലയിൽ സംസ്ഥാന സെക്രട്ടറി എം ചന്ദ്രൻ എന്നിവർ ഉദ്ഘാടനം ചെയ്തു.കുഴൽമന്ദത്ത് എൻ മുരളീധരൻ,
പട്ടാമ്പിയിൽ എൻ ഉണ്ണിക്കൃഷ്ണനും ഓങ്ങല്ലൂരിൽ
ഓങ്ങല്ലൂരിൽ എൻ പി വിനയകുമാറും ഉദ്ഘാടനം ചെയ്തു
