വിദേശത്തേക്ക് പോകുന്നവർക്ക് മുൻഗണന ലഭിക്കാൻ ചെയ്യേണ്ടത്

കോവിഡ് വാക്സിനേഷൻ: വിദേശത്തേക്ക് പോകുന്നവർക്ക് മുൻഗണന ലഭിക്കാൻ ചെയ്യേണ്ടത്

വിദേശത്തേക്ക് പോകുന്നവർക്ക് കോവിഡ് വാക്സിൻ എടുക്കുന്നതിന് മുൻഗണന ലഭിക്കാൻ പ്രാഥമികമായി www.cowin.gov.in ൽ വ്യക്തിഗത വിവരങ്ങൾ രജിസ്റ്റർ ചെയ്ത ശേഷം താഴെ പറയുന്ന കാര്യങ്ങൾ ചെയ്യണം.

1.മുൻഗണന ലഭിക്കുന്നതിനായി https://covid19.kerala.gov.in/vaccine/ ൽ രജിസ്റ്റർ ചെയ്യണം.

2.ലിങ്ക് തുറക്കുമ്പോൾ ലഭിക്കുന്ന INDIVIDUAL REQUEST എന്ന ടാബിൽ ക്ലിക്ക് ചെയ്യുക.ശേഷം വരുന്ന Disclaimer എന്ന മെസ്സേജ് ബോക്സ് ക്ലോസ് ചെയ്യുക.

3.നാട്ടിലുള്ള മൊബൈൽ നമ്പർ എന്റർ ചെയ്ത് Get OTP എന്നതിൽ ക്ലിക്ക് ചെയ്യുക. ലഭിക്കുന്ന ആറ് അക്ക OTP, Enter OTP എന്ന ബോക്സിൽ എന്റർ ചെയ്യുക,verify എന്നതിൽ ക്ലിക്ക് ചെയ്യുക.

4.OTP Verified എന്ന മെസ്സേജ് വന്നാൽ OK ക്ലിക്ക് ചെയ്യുക.

5. രജിസ്ട്രേഷൻ ഫോമിൽ ജില്ല, പേര്, ലിംഗം, ജനന വർഷം, യോഗ്യത വിഭാഗം(ഇവിടെ Going Abroad എന്ന് സെലക്ട് ചെയ്യുക), ഏറ്റവും അടുത്ത വാക്സിനേഷൻ കേന്ദ്രം എന്നിവ പൂരിപ്പിക്കുക.

6.Supporting documents എന്നതിനു താഴെ ആദ്യം പാസ്പോർട്ടിൻ്റെ ആദ്യത്തെയും അവസാനത്തെയും പേജുകൾ ഒറ്റ പേജായി കോപ്പിയെടുത്ത് ആ ഫയലും രണ്ടാമത്തേതിൽ പ്രവാസികളുടെ വിസ സംബന്ധമായ വിവരങ്ങളും അപ്‌ലോഡ് ചെയ്യുക. (ഓരോ ഫയലുകളും PDF/JPG എന്നീ ഫോർമാറ്റിൽ 500kb യിൽ താഴെ ഫയൽ സൈസ് ഉള്ളതായിരിക്കണം)

7. അവസാനമായി നേരത്തെ കോവിഡ് വാക്സിനേഷനായി രജിസ്റ്റർ ചെയ്യുമ്പോൾ ലഭിച്ച 14 അക്ക COWIN റഫറൻസ് ഐഡി എൻ്റർ ചെയ്യണം. ഇതിനുശേഷം submit ചെയ്യാം.

അപേക്ഷയോടൊപ്പം നൽകിയ രേഖകൾ ജില്ലാതലത്തിൽ പരിശോധിച്ച ശേഷം അർഹരായവരെ വാക്സിൻ ലഭ്യതയും മുൻഗണനയും അനുസരിച്ച് വാക്സിനേഷൻ കേന്ദ്രം, തീയതി, സമയം എന്നിവ വ്യക്തമാക്കി എസ്.എം.എസ് വഴി അറിയിക്കും. വാക്സിനേഷൻ കേന്ദ്രത്തിൽ എത്തുമ്പോൾ അപ്പോയിൻമെന്റ് എസ്.എം.എസ്, ഐഡി പ്രൂഫായി പാസ്പോർട്ട് എന്നിവ കാണിക്കണം.
കൂടുതൽ വിവരങ്ങൾക്ക് ദിശയുടെ 1056,104, 0471 2552056 നമ്പറുകളിൽ ബന്ധപ്പെടാം.

ജില്ലാ ഇൻഫർമേഷൻ ഓഫീസ് പാലക്കാട്