മരണാനന്തര ചടങ്ങുകൾക്ക് നേതൃത്വം നൽകി എസ്.വൈ.എസ് സാന്ത്വനം ടീം

ആലത്തൂർ: കോവിഡ് ബാധിച്ചു മരണപ്പെട്ട കാവശ്ശേരി ഇരട്ടക്കുളം അഹ്‌മദ്‌കുട്ടി (64) യുടെ മയ്യിത്ത് പരിപാലനത്തിൽ പങ്കാളികളായി സാന്ത്വനം വളണ്ടിയർമാർ. ആലത്തൂർ മഹല്ല് ജമാഅത്ത് ഖബർസ്ഥാനിൽ നടന്ന മയ്യത്ത് നിസ്കാരത്തിനും പ്രാർത്ഥനക്കും ഹാഫിള് അഷ്‌റഫ്‌അലിസഖാഫി അത്തിപ്പൊറ്റ, അബ്ദുറഹ്മാൻ സഖാഫി ചിതലി, അബ്ദുൽ ബാരി ആലത്തൂർ എന്നിവർ നേതൃത്വം നൽകി. ഖബറടക്ക ചടങ്ങുകൾക്ക് സാന്ത്വനം വളണ്ടിയർമാരായ താജുദ്ദീൻ മുടപ്പല്ലൂർ, അശ്റഫ് മൂപ്പൻ, നസീർ കാരമല, ഉമ്മർ അത്തിപ്പൊറ്റ, മൊയ്തീൻകുട്ടി പത്തനാപുരം, ബദറുദ്ധീൻ അത്തിപ്പൊറ്റ, സുധീർ പത്തനാപുരം, ഹിളർ തോണിക്കടവ് എന്നിവർ പങ്കാളികളായി.