പാലക്കാട്: നിയമസഭാ തെരഞ്ഞെടുപ്പില് വിജയിക്കുകയാണെങ്കില് പ്രവര്ത്തിക്കാനായി ഇ ശ്രീധരന് തുറന്ന ‘എംഎല്എ’ ഓഫീസ് പൂട്ടില്ല. തെരഞ്ഞെടുപ്പില് പരാജപ്പെട്ടെങ്കിലും പാലക്കാട്ടെ ഓഫീസ് പൂട്ടുന്നില്ലെന്നാണ് സൂചന.
തെരഞ്ഞെടുപ്പ് തോല്വിയോടെ രാജ്യത്തിന്റെ വിവിധ ഭാഗങ്ങളിലായുള്ള മൂന്ന് സുപ്രധാന പദ്ധതികളുടെ പ്രവര്ത്തനത്തിലേക്ക് ശ്രദ്ധ കേന്ദ്രീകരിക്കുകയാണ് ഇ ശ്രീധരന്. അതിനായി ഓഫീസ് നിലനിർത്താനാണ് ആലോചന
കാശ്മീരിലെ ദാല് തടാകത്തിന്റെ ശുദ്ധീകരണമാണ് ആദ്യത്തേത്. ജമ്മു ഹൈക്കോടതി നേരിട്ടാണ് ശ്രീധരനെ തെരഞ്ഞെടുത്തത്.
രണ്ടാമത്തേത് ന്യൂഡല്ഹി ആസ്ഥാനമായ ‘ദി ഫൗണ്ടേഷന് ഫോര് റസ്റ്ററേഷന് ഓഫ് നാഷനല് വാല്യൂസ്’ എന്ന സംഘടനയാണ്. ഈ പ്രസ്ഥാനത്തിന്റെ സ്ഥാപക പ്രസിഡന്റാണ് അദ്ദേഹം. കേരളത്തില് ഫ്രണ്ട്സ് ഓഫ് ഭാരതപ്പുഴ’ എന്ന സംഘടനയുമായി ചേര്ന്ന് ഭാരതപ്പുഴയെ പുന:രുദ്ധാരണം നടത്തുക എന്നതാണ് മൂന്നാമത്തെ ദൗത്യം.
