കോവിഡ് നിയന്ത്രണങ്ങൾ ലംഘിച്ചും അനുമതി ഇല്ലാതെയും തത്തമംഗലം അങ്ങാടി വേലയുടെ ഭാഗമായി കുതിരയോട്ടം നടത്തിയ സംഘടകർക്കെതിരെ നടപടിയെടുത്തു. മുഖ്യമന്ത്രി പിണറായി വിജയൻ വാർത്താ സമ്മേളനത്തിൽ അറിയിച്ചതാണിത്.
മൂന്ന് കേസുകളാണ് എടുത്തത്. സംഘാടകരിൽ 25 പേർക്കെതിരെ കേസെടുത്തത്തിൽ 8 പേരെ അറസ്റ്റ് ചെയ്ത് ജാമ്യത്തിൽ വിട്ടു. 57 കുതിരക്കാർക്ക് എതിരെയും 200 കാണികൾക്ക് എതിരെയുമാണ് മറ്റ് കേസുകൾ എടുത്തത്.
തത്തമംഗലത്തെ വേട്ടക്കരുമൻ ക്ഷേത്രത്തിലാണ് അങ്ങാടി വേലയുടെ ഭാഗമായി കുതിരയോട്ടം നടത്തിയത്. 20 കുതിരകൾ പങ്കെടുത്തു. ആയിരത്തോളം കാണികളും എത്തിയിരുന്നു. കോവിഡ് പശ്ചാത്തലത്തിൽ കുതിരയോട്ടം നടത്തുന്നില്ല എന്നറിയിച്ച സംഘാടകർ അവരുടേതന്നെ വാക്കും കോവിഡ് വിലക്കും ലംഘിച്ചാണ് കുതിരകളെ ഒട്ടത്തിന് ഇറക്കിയത്.
