പുതൂർമാരിയമ്മൻ ക്ഷേത്ര മഹോത്സവം… കുംഭം എഴുന്നള്ളിപ്പ് നടന്നു. അട്ടപ്പാടി :പുതൂർ മാരിയമ്മൻ ക്ഷേത്രത്തിൽ ആണ്ടുത്സവത്തിന്റെ ഭാഗമായി ചൊവ്വാഴ്ച്ച ക്ഷേത്രം പൂവോട് പ്രദക്ഷിണം, പോഴൈമുടി ക്ഷണം, അമ്മൻ ക്ഷണം എന്നിവ നടന്നു..തുടർന്ന് ബുധനാഴ്ച സുപ്രഭാതത്തിൽ ശക്തി കുംഭം എഴുന്നള്ളിപ്പിന് ശേഷം ദേവി തിരുകല്യാ ണം നടന്നു.തുടർന്ന് ദേവിക്ക് പൊങ്കാല.. മാവിളക്കു സമർപ്പിക്കൽ വഴിപാട് നടന്നു..കോവിഡ് നിയന്ത്രണങ്ങളെ തുടർന്ന് ദേശവേലകൾ പൂർണ്ണമായും ഒഴിവാക്കി പ്രധാന ചടങ്ങുകൾ മാത്രമായിട്ടാണ് ഉത്സവം നടത്തി വരുന്നത്.. കേരളത്തിലും തമിഴ്നാട്ടിലും പ്രസിദ്ധമായ ഈ ക്ഷേത്രത്തിലേക്ക് സാധാരണയായി ആയിരങ്ങൾ എത്താറുണ്ട്.. ഇത്തവണ പ്രാദേശികമായി പരിമിതമായി മാത്രമാണ് ഭക്തർ എത്തിയത്.. ഭൂരിഭാഗം ഭക്തരും വീടുകളിൽ തന്നെ അമ്മയെ തൊഴുത് വഴിപാടുകൾ നടത്തി. അതേ സമയം കോവിഡ് മാനദണ്ഡങ്ങൾ പാലിച്ച് ദൂരെ നിന്നും മലകൾ ഇറങ്ങി വന്നും ഭക്തർ അമ്മയെ ഒരു നോക്ക് ദർശിച്ചു മടങ്ങി… ആചാര ഉത്സവത്തിന്റെ പ്രധാന ചടങ്ങുകൾ ബുധനാഴ്ച അവസാനിക്കുമെങ്കിലും വെള്ളിയാഴ്ച്ചയാണ് ഉത്സവത്തിന് കൊടിയിറങ്ങുന്നത്
