വാളയാർ:ഹൈക്കോടതി വിധി സമരത്തിന്റെ വിജയം – നീതി സമരസമിതി

പാലക്കാട്: വാളയാർ സഹോദരിമാരുടെ കേസിൽ സർക്കാർ ഗൂഢാലോചന തുറന്നു കാട്ടുന്നതാണ് വെള്ളിയാഴ്ചയിലെ ഹൈക്കോടതി വിധിയെന്ന് വാളയാർ നീതി സമരസമിതി. പത്തു ദിവസത്തിനകം കേസിന്റെ എല്ലാ രേഖകളും സി.ബി.ഐക്ക് കൈമാറാൻ ഹൈക്കോടതി നിർദ്ദേശം നൽകി എന്നതു തന്നെ സർക്കാർ കള്ളക്കളി തുറന്നു കാട്ടുന്നു. ഹൈക്കോടതി മേൽനോട്ടത്തിൽ അന്വേഷണം എന്ന ആവശ്യം കോടതി തത്വത്തിൽ അംഗീകരിച്ചു. ഏതെങ്കിലും ഘട്ടത്തിൽ ഇടപെടൽ ആവശ്യമെന്നു ഹർജിക്കാരിക്ക് തോന്നുന്നു എങ്കിൽ ഹൈക്കോടതിയെ സമീപിക്കാവുന്നതാണ്. കോടതി വിധി നിർണായകമാണ് എന്ന് സമരസമിതി കരുതുന്നതായും വാളയാർ നീതി സമരസമിതി പ്രസ്താവനയിൽ പറഞ്ഞു.