“ധ്രുവീകരണ രാഷ്ട്രീയത്തിനെതിരെ ജനകീയ ബദൽ” എന്ന വർത്തമാനകാല കേരളം തേടുന്ന ഏറ്റവും അനുയോജ്യമായ ബദൽ രാഷ്ട്രീയമാണ് ജനങ്ങൾക്ക് മുമ്പിൽ ഈ നിയമ സഭാ തെരെഞ്ഞെടുപ്പിൽ പാർട്ടി അവതരിപ്പിക്കുന്നത്. സംഘപരിവാറിന്റെ അജണ്ടകളെ താലോലിക്കുന്ന ഇരു മുന്നണികളെയും തുറന്ന് കാണിച്ചുകൊണ്ടും ഫാഷിസ്റ്റ് ഭീകരതയെ ചെറുക്കുന്നതിനുള്ള പ്രായോഗികവും ഫലപ്രദവുമായ ജനാധിപത്യ മുന്നേറ്റത്തിന് ശക്തിപകരാൻ ജനങ്ങളോട് ആഹ്വാനം ചെയ്തുകൊണ്ടുമുള്ള തെരെഞ്ഞെടുപ്പ് പ്രചാരണ പരിപാടികളാണ് പാർട്ടി ആവിഷ്കരിച്ചിട്ടുള്ളത്.
നിലവിൽ പട്ടാമ്പിയെ പ്രതിനിധീകരിക്കുന്ന നിയമ സഭാ സാമാജികൻ ഉൾപ്പെടെ മാറി മാറി വന്നവരെല്ലാം ജനങ്ങളുടെ കണ്ണിൽ പൊടിയിടുന്ന ചില വികസന മാമാങ്കങ്ങളല്ലാതെ സുസ്ഥിരവും സമഗ്രവുമായ പട്ടാമ്പിയുടെ വളർച്ചക്ക് കാര്യമായ സംഭാവനകളൊന്നും നൽകിയിട്ടില്ല. ഉദ്യോഗസ്ഥ ഭരണത്തിൽ പോലും സ്വാഭാവികമായും നടക്കുന്ന പദ്ധതികൾക്കപ്പുറം കഴിഞ്ഞ 5 വർഷവും ജനങ്ങളുടെ മുമ്പിൽ അഭിമാനത്തോടെ പറയാവുന്ന വികസനങ്ങളൊന്നും പട്ടാമ്പിയിൽ ഉണ്ടായിട്ടില്ല. സുസ്ഥിരവും സമഗ്രവുമായ വികസന കാഴ്ച്ചപാടുകളുള്ള എസ് ഡി പി ഐ ക്ക് പട്ടാമ്പിയിൽ ഒരവസരം നൽകണമെന്നഭ്യർത്ഥിച്ചു കൊണ്ടാണ് പട്ടാമ്പിയിലെ ജനങ്ങളെ സമീപിക്കുന്നത്.