കേരള വിവരാവകാശ, സേവനാവകാശ ഫെഡറേഷൻ
(KVSF) എന്ന പേരിൽ ഒരു സ്വതന്ത്ര സംഘടന രൂപീകരിക്കുകയാണ്
രൂപീകരണയോഗം 28.02.2021 രാവിലെ 11 മണിക്ക് ഒലവക്കോട് വെച്ചു കൂടുന്നു
സർക്കാർ ഭരണനിർവ്വഹണം സംബന്ധിച്ച വിവരങ്ങൾ അറിയാൻ പൊതുജനങ്ങൾക്ക് അവകാശം നൽകുന്ന 2005ലെ ഒരു സുപ്രധാന നിയമമാണ് വിവരാവകാശനിയമം 2005 (Right to Information Act 2005).
ഈ നിയമത്തിൽ, വിവരങ്ങൾ പൊതുജനങ്ങൾക്കു നൽകുന്നതിനായി, എല്ലാ ഓഫീസുകളിലും പൊതുവിവരാധികാരികളെ നിയമിക്കണമെന്നും മേൽനോട്ടത്തിനായി, കേന്ദ്രത്തിലും സംസ്ഥാനങ്ങളിലും കമ്മീഷനുകളെ നിയമിക്കണമെന്നും, ഏതൊരു ഭാരതീയപൗരനും, വിലക്കപ്പെട്ട ചുരുക്കം ചില വിവരങ്ങൾ ഒഴിച്ച്, കേന്ദ്ര-സംസ്ഥാന സർക്കാരുകളുടെയോ, സർക്കാർസഹായം പറ്റുന്ന മറ്റു സ്ഥാപനങ്ങളുടെയോ, കൈവശമുള്ള ഏതൊരു രേഖയും, നിശ്ചിതതുകയടച്ച് അപേക്ഷിച്ചാൽ നിശ്ചിത സമയത്തിനുള്ളിൽ നൽകണമെന്നും വ്യവസ്ഥ ചെയ്തിരിക്കുന്നു.
വിവരാവകാശ നിയമത്തിന്റെ മാതൃകയിൽ സേവനം പൗരന്റെ അവകാശമാക്കുന്ന ഇന്ത്യയിലെ നിയമമാണ് സേവനാവകാശ നിയമം (Right to Service Act).
സർക്കാർ വകുപ്പുകളും തദ്ദേശസ്വയംഭരണ വകുപ്പുകളും നടത്തുന്ന എല്ലാവിധ സേവനങ്ങളും ജനങ്ങളുടെ അവകാശമാണെന്ന് പ്രഖ്യാപിക്കുന്ന നിയമമാണ് ഇത്.
സേവനങ്ങൾക്കായി സാധാരണക്കാർ സർക്കാർ ആഫീസുകളിൽ കയറിയിറങ്ങേണ്ടി വരുന്ന അവസ്ഥയ്ക്ക് ഒരു പരിഹാരം കൂടിയാണ് സേവനാവകാശ നിയമം.
പൊതുജനങ്ങൾക്കുള്ള സേവനങ്ങൾ നൽകാൻ വിസമ്മതിക്കുന്ന ഉദ്യോഗസ്ഥരെ നിയമത്തിനു മുന്നിൽ കൊണ്ടുവരിക
ഓരോ സർക്കാർ സേവനത്തിനും സമയപരിധി നിർണയിക്കുക
സേവനം സമയബന്ധിതമായി ജനങ്ങൾക്കു നൽകുക
വാണിജ്യ, വ്യാപാര സേവനങ്ങൾ ഉറപ്പാക്കുക
നിർധനർക്കും അധസ്ഥിത വിഭാഗങ്ങൾക്കുമുള്ള സേവനങ്ങൾക്കു മുൻഗണന നൽകുന്നു
എന്നാൽ, നിയമം പ്രാബല്യത്തിൽ വന്നതുമുതൽ ഇങ്ങോട്ടുള്ള കാലയാളവുകൾ പരിശോധിച്ചാൽ ഈ നിയമങ്ങളെ ദുർബലപ്പെടുത്തുന്ന നടപടികളുമായാണ് ഭരിക്കുന്നവർ ആരുമാകട്ടെ അവർ മുന്നേറുന്നത്. പൗരന്റെ അറിയുവാനുള്ള അവകാശം എങ്ങനെ നിഷേധിക്കാം എന്നതിനെ കുറിച്ചുള്ള ഗവേഷണം നടക്കുന്ന കാലത്തിലൂടെയാണ് നമ്മൾ കടന്നുപോകുന്നത്.
എങ്കിലും… കാലങ്ങളുടെ പോരാട്ടങ്ങൾക്കൊടുവിൽ നേടിയെടുത്ത പൗരാവകാശങ്ങൾ ഒറ്റയടിക്ക് അവസാനിപ്പിക്കുക നടക്കുന്നില്ല എങ്കിലും, പല അപേക്ഷകളും നിരസിക്കപ്പെടുന്നു.
അവശേഷിക്കുന്ന അവകാശങ്ങൾ ഉപയോഗിച്ച് , പൊതുജനങ്ങൾക്ക് ഗുണകരമാകുന്ന തരത്തിൽ ഇടപെടാവുന്ന ഒരു കൂട്ടായ്മയ്ക്ക് രൂപംകൊടുക്കുകയാണ്. സമൂഹ നന്മയ്ക്ക് വേണ്ടി ഈ നിയമങ്ങളെ എങ്ങനെ ഉപയോഗപ്രദമായി വിനിയോഗിക്കാം എന്നതാണ് വെല്ലുവിളി. ആ വെല്ലുവിളിയേറ്റെടുക്കുവാൻ കഴിയുന്നവരുടെ ഒരു കൂട്ടായ്മയാണ് നമ്മുക്ക് ഒരുക്കേണ്ടത്.
2021 ഫെബ്രുവരി 28 ഞായറാഴ്ച11 മണിക്ക് ഒലവക്കോട് വെച്ചുകൂടുന്ന യോഗത്തിൽ പങ്കെടുക്കുവാൻ വിവരാവകാശ/സേവനാവകാശ പ്രവർത്തകരെയും ക്ഷണിക്കുന്നു
……………………………….
എ. കാജാഹുസൈൻ
contact.. 97468 73199