മണ്ണാർക്കാട്:ദേശീയ റോഡ് സുരക്ഷ മാസാചരണത്തിൻ്റെ ഭാഗമായി കേന്ദ്ര റോഡ് ഗതാഗത,ഹൈവേ വകുപ്പ് നാഷണൽ സർവീസ് സ്ക്കീമുമായി (എൻ.എസ്.എസ്) ചേർന്ന് സംഘടിപ്പിക്കുന്ന ക്യാമ്പയിൻ പ്രവർത്തനങ്ങളുടെ ഭാഗമായി നജാത്ത് ആർട്സ് ആൻറ് സയൻസ് കോളേജിൽ വ്യത്യസ്തങ്ങളായ പരിപാടികൾ നടന്നു.തിങ്കളാഴ്ച രാവിലെ കോളേജ് ഓഡിറ്റോറിയത്തിൽ നടന്ന പരിപാടിയിൽ മണ്ണാർക്കാട് എസ്.ഐ വിനോദ്
ട്രാഫിക്ക് ബോധവത്ക്കരണ ക്ലാസ് നയിച്ചു. മണ്ണാർക്കാട് സ്റ്റേഷൻ സീനിയർ സി.പി.ഒ ഫസലുറഹ്മാനും വിദ്യാർത്ഥികളുമായി സംവദിച്ചു. കോളേജ് പ്രിൻസിപ്പൽ പ്രൊഫ.മുഹമ്മദലി അധ്യക്ഷത വഹിച്ചു. കോളേജ് വൈസ് പ്രിൻസിപ്പൽ കെ.മുഹമ്മദ് അസ് ലം, എൻ.എസ്.എസ് പ്രോഗ്രാം ഓഫീസർ നാസർ, കോളേജ് വിദ്യാർത്ഥി യൂണിയൻ ചെയർമാൻ റാഷിഖ്, എൻ.എസ്.എസ് യൂണിറ്റ് സെക്രട്ടറിമാരായ ഗോകുൽ,ഹർഷീന പർവീൻ എന്നിവർ സംസാരിച്ചു.
ഉച്ചക്ക് ശേഷം നടന്ന ട്രാഫിക്ക് ബോധവത്ക്കരണ ഡോക്യുമെൻ്ററി പ്രദർശനം കോളേജ് സ്റ്റാഫ് സെക്രട്ടറി കെ.നിഖിൽ ഉദ്ഘാടനം ചെയ്തു.
ട്രാഫിക്ക് നിയമങ്ങൾ പാലിച്ച് വാഹനമോടിക്കുന്നവരെ ബുധനാഴ്ച പോലീസുമായി സഹകരിച്ച് നെല്ലിപ്പുഴയിൽ ആദരിക്കുമെന്നും ജനങ്ങൾക്കിടയിൽ ട്രാഫിക്ക് ബോധവത്ക്കരണം നടത്തുമെന്നും കോളേജ് എൻ.എസ്.എസ് പ്രോഗ്രാം ഓഫീസർ നാസർ അറിയിച്ചു.