വടക്കഞ്ചേരി: ഇന്നലെ തുറന്ന
വടക്കഞ്ചേരി മേൽപ്പാലത്തില് ലോറി ബൈക്കിലിടിച്ച് ബൈക്ക് യാത്രക്കാരായ രണ്ടുപേർ മരിച്ചു. കണ്ണംകുളം മഞ്ഞലിക്കുളമ്പ് സ്വദേശികളായ ചാപ്പിയുടെ മകൻ മാണിയും (45) സഹദേവന്റെ മകൻ സനൂപുമാണ് (28) മരിച്ചത്.
മേൽപ്പാലത്തിൽ വടക്കഞ്ചേരി റോയൽ ജങ്ഷന് സമീപം ശനിയാഴ്ച രാത്രി 10 മണിയോടെയാണ് അപകടം.
പാലക്കാട് ഭാഗത്തേക്ക് വരികയായിരുന്ന ലോറിയിൽ എതിരെ തെറ്റായ ദിശയിൽ വന്ന ബൈക്ക് ഇടിക്കുകയായിരുന്നെന്ന് ഹൈവേ പോലീസ് പറഞ്ഞു. വടക്കഞ്ചേരി അഗ്നിരക്ഷാസേനയെത്തി ഇരുവരെയും ആലത്തൂർ താലൂക്ക് ആശുപത്രിയിലെത്തിച്ചെങ്കിലും മരിച്ചു.
ശനിയാഴ്ച ഉച്ചയ്ക്കാണ് മേൽപ്പാലം ഗതാഗതത്തിനായി തുറന്നത്. ലോറിഡ്രൈവർ ദിണ്ഡിക്കൽ സ്വദേശി നാഗരാജന്റെ പേരിൽ മന:പൂർവമല്ലാത്ത നരഹത്യയ്ക്ക് വടക്കഞ്ചേരി പോലീസ് കേസെടുത്തു.
