ഇന്ത്യൻ റെയിൽവേയെ സ്വകാര്യവൽക്കരിക്കുന്ന കേന്ദ്ര സർക്കാർ നീക്കത്തിനെതിരെ വിവിധ തൊഴിലാളി സംഘടനകളുടെ ഐക്യവേദിയായ സി സി ആർ ടി യുവിന്റെ നേതൃത്വത്തിൽ ബുധനാഴ്ച പാലക്കാട് റെയിൽവേ ഡിവിഷൻ ഓഫീസിനു മുന്നിൽ ഏക ദിന നിരാഹാര സത്യാഗ്രഹം ആരംഭിച്ചു.
ഐ ൻ ടി യു സി ജില്ലാ പ്രസിഡന്റ് ചിങ്ങനൂർ മനോജ് ഉദ്ഘാടനം ചെയ്തു. ഇന്ത്യൻ റെയിൽവേയെ ഘട്ടഘട്ടമായി കോർപ്പറേറ്റ് മുതലാളിമാർക്ക് കൈമാറ്റം ചെയുന്നതിന് എതിരെ ജനകീയ പ്രക്ഷോഭം ഉയർന്നു വരേണ്ടിയിരിക്കുന്നു എന്നു ചിങ്ങനൂർ മനോജ് പറഞ്ഞു. സ്വകാര്യവൽക്കരണം സാധാരണ യാത്രക്കാരുടെ സൗകര്യങ്ങളും സൗജന്യങ്ങളും ഇല്ലാതാക്കുമെന്നും അദ്ദേഹം അഭിപ്രായപെട്ടു.
സി സി ർ ടി യു ജനറൽ കൺവീനർ കെ. സി. ജെയിംസ് അധ്യക്ഷത വഹിച്ചു.
എംപ്ലോയീസ് യൂണിയൻ ഭാരവാഹികള്ളായ കെ. ഹരിദാസ്, ഉദയഭാസ്കർ, ടിക്കറ്റ് ചെക്കിങ് സ്റ്റാഫ് ഓർഗനൈസെഷൻ ദേശീയ സെക്രട്ടറി എസ്. എം എസ്. മുജീബ് റഹ്മാൻ, എംപ്ലോയീസ് സംഘം പ്രസിഡന്റ് വി. ഉണ്ണികൃഷ്ണൻ, ലോകോ സ്റ്റാഫ് അസോസിയേഷൻ മുൻ വൈസ് പ്രസിഡന്റ് വിജയകുമാർ തുടങ്ങിയവർ പ്രസംഗിച്ചു.
നിരാഹാര സമരം വൈകുന്നേരം 6 മണിക്ക് അവസാനിക്കും.
