ബാല്ല്യം അമൂല്ല്യം – പോസ്റ്റർ പ്രകാശനം ചെയ്തു

.പാലക്കാട്:ബാലപീഡനങ്ങൾക്കെതിരെ ഇന്റർനാഷണൽ ജസ്റ്റിസ് മിഷന്റെയും വിശ്വാസിന്റെയും ആഭിമുഖ്യത്തിൽ  ബാല്യം  അമൂല്യം പോസ്റ്റർ പാലക്കാട്‌ ജില്ലാ കളക്ടർ ഡി.ബാലമുരളി   പ്രകാശനം ചെയ്തു. ബാലവിവാഹം, ബാലവേല, കുട്ടികടത്ത് തുടങ്ങിയ പ്രവർത്തികൾ സാമൂഹ്യ തിന്മയും നിയമ പരമായി ശിക്ഷാർഹവുമാണെന്നും  ഇത്തരം സംഭവങ്ങൾ ശ്രദ്ധയിൽ പെട്ടാൽ ചൈൽഡ്ലൈനിലെ 1098 എന്ന നമ്പറിലോ , ചൈൽഡ് വെൽഫയർ കമ്മിറ്റി, ജില്ലാ ചൈൽഡ് പ്രൊട്ടക്ഷൻ യൂണിറ്, ജുവനെയിൽ പ്രൊട്ടക്ഷൻ യൂണിറ്റ്, തൊഴിൽ വകുപ്പ്, ചൈൽഡ് മാര്യേജ് പ്രോഹിബിഷൻ ഓഫീസ് എന്നിവടങ്ങളിലോ  അറിയിക്കണമെന്നും പോസ്റ്ററിൽ ആഹ്വാനം ചെയ്തിട്ടുണ്ട്. ചടങ്ങിൽ വിശ്വാസ് വൈസ് പ്രസിഡന്റ് അഡ്വ. എസ്. ശാന്തദേവി, സെക്രട്ടറി പി. പ്രേംനാഥ്,  ഖജാൻജി ബി. ജയരാജൻ, ജോയിന്റ് സെക്രട്ടറി അഡ്വ. ആർ. ദൈവകൃപ മാനേജിങ് കമ്മിറ്റി അംഗങ്ങളായ സി. ശ്രീകുമാർ, എം. പി. സുകുമാരൻ, വോളന്റീർമാരായ അഡ്വ എം. മനോജ്‌, അഡ്വ . അജയ് കൃഷ്ണ എന്നിവർ പങ്കെടുത്തു. ജില്ലയിൽ പ്രധാന സ്ഥാലങ്ങളിൽ പ്രദർശിപ്പിക്കുന്ന പോസ്റ്ററുകൾ ആവശ്യമുള്ള വ്യക്തികളോ സംഘടനകളോ സിവിൽ സ്റ്റേഷനിൽ ഉള്ള വിശ്വാസ് ഓഫീസുമായോ 9400933444 എന്ന നമ്പറിലോ ബന്ധപ്പെടേണ്ടതാണ്.പി പ്രേംനാഥ്,സെക്രട്ടറി(ഫോട്ടോ. ബാല പീഡനങ്ങൾക്കെതിരെ ഇന്റർനാഷണൽ ജസ്റ്റിസ് മിഷന്റെയും വിശ്വാസിന്റെയും ആഭിമുഖ്യത്തിൽ  ബാല്യം  അമൂല്യം പോസ്റ്റർ പാലക്കാട്‌ ജില്ലാ കളക്ടർ ഡി.ബാലമുരളി   പ്രകാശനം ചെയ്യുന്നു )