വടക്കഞ്ചേരി: വടക്കഞ്ചേരി മണ്ണുത്തി ആറുവരിപാത നിർമാണം നടത്തുന്ന കരാർ കന്പനിയായ കെ എം സി ,കുടിശ്ശിക ശന്പളം കൊടുക്കുന്നതു സംബന്ധിച്ച്ജീവനക്കാർക്കും പോലിസിനും നൽകിയ വാക്ക് പാലിച്ചു.
ഈ മാസം 18 ന് രണ്ട് മാസത്തെ ശന്പളവും 31 ന് ബാക്കിയുള്ള മുഴുവൻ മാസത്തെ ശന്പളവും നൽകുമെന്നായിരുന്നു ഇക്കഴിഞ്ഞ 12 ന് പണിമുടക്കി സമരം ചെയ്തപ്പോൾ കരാർ കന്പനി പോലീസ് സാന്നിധ്യത്തിൽ ഉറപ്പ് നൽകിയത്. ഇതിൽ ഒന്നാമത്തെ ഉറപ്പ് രണ്ട് ദിവസം മുന്പേ കന്പനി പാലിച്ചതായി സമരം ചെയ്ത ജീവനക്കാർ പറഞ്ഞു.രണ്ട് മാസത്തെ ശബളം 60 ജീവനക്കാർക്കും കിട്ടി. ബാങ്ക് അക്കൗണ്ടുകളിൽ പണം എത്തിയിട്ടുണ്ടെന്ന് ജീവനക്കാർ ഇന്നലെ ഉറപ്പാക്കി.31നാണ് ബാക്കി ശന്പള കുടിശ്ശിക തീർക്കാമെന്ന് കരാർ കന്പനി രേഖാമൂലം ഉറപ്പ് നൽകിയിട്ടുള്ളത്. ഇതും ലഭിക്കുമെന്നാണ് ജീവനക്കാരുടെ പ്രതീക്ഷ. ആദ്യമായി തങ്ങളുടെ കന്പനി പറഞ്ഞ വാക്ക് പാലിച്ചെന്ന വലിയ ആശ്വാസത്തിലും സന്തോഷത്തിലുമാണ് ഇന്നലെ ജീവനക്കാരെല്ലാം പണിക്കിറങ്ങിയത്.
