വളർത്തു നായെ പുലി തിന്നു
മണ്ണാർക്കാട്.അലനല്ലൂർ: എടത്തനാട്ടുകര മുണ്ടക്കുന്ന് ചൂരിയോടിൽ വളത്തുനായെ പുലി കൊന്ന് ഭക്ഷിച്ച നിലയിൽ. കേസുപറമ്പിലെ തെക്കൻ മുഹമ്മദാലിയുടെ വളർത്തുനായെയാണ് പുലി കൊന്നത്.
വ്യാഴാഴ്ച്ച രാത്രി ഒരു മണിക്ക് ശേഷമാണ് സംഭവം. വീട്ടിൽ ചങ്ങലയുമായി ബന്ധിപ്പിച്ചിരുന്ന നായെ ചെങ്ങല പൊട്ടിച്ച് 350 മീറ്റർ ദൂരെയുള്ള വാഴത്തോട്ടത്തിൽ വെച്ച് ഭക്ഷിച്ച നിലയിലാണ് കാണപ്പെട്ടത്.
സെക്ഷൻ ഫോറസ്റ്റ് ഓഫിസർ യു. ജയകൃഷ്ണൻ, വാച്ചർമാരായ പി. അബു, എ. പ്രതീപ്, മുൻ പഞ്ചായത്ത് പ്രസിഡൻറ് കെ.ടി. ഹംസപ്പ, സി. മുഹമ്മദാലി എന്നിവർ സ്ഥലം സന്ദർശിച്ചു. പുലിയുടെ ആക്രമണം തന്നെയാകാം എന്ന നിഗമനത്തിലാണ് വനംവകുപ്പ്. ജനവാസ മേഖലയിൽ പുലിയുടെ സാന്നിധ്യം സംശയിക്കുന്നത് ജനങ്ങളെ ഭീതിയിലാഴ്ത്തിയിട്ടുണ്ട്.
പ്രദേശത്ത് നിരീക്ഷണ കാമറകൾ സ്ഥാപിക്കണമെന്ന് നാട്ടുകാർ ആവശ്യപ്പെട്ടു.