മണ്ണാർക്കാട് ∙ കണ്ടമംഗലം കുന്തിപ്പാടത്തു പട്ടാപ്പകൽ കാട്ടാനകളിറങ്ങി. ജനവാസ കേന്ദ്രത്തോടു ചേർന്നുള്ള റബർ തോട്ടത്തിൽ ഇന്നലെ രാവിലെ എട്ടു മുതൽ 12 വരെയാണു കാട്ടാനകൾ നിലയുറപ്പിച്ചത്. രണ്ട് ആനകൾ റബർ മരങ്ങൾ നശിപ്പിക്കുകയും വേലി തകർക്കുകയും ചെയ്തു. ആനകളെ കാടു കയറ്റാനുള്ള നാട്ടുകാരുടെ ശ്രമം വിഫലമായി. തുടർന്നു വനം വകുപ്പിന്റെ റാപ്പിഡ് റെസ്പോൺസ് ടീം എത്തിയാണ് ആനകളെ കാടുകയറ്റിയത്. കാട്ടിൽ ആനക്കൂട്ടം ഉണ്ടെന്നാണു നാട്ടുകാർ പറയുന്നത്. രാത്രി വീണ്ടും ആനകൾ ഇറങ്ങുമെന്ന ഭീതിയിലാണു നാട്ടുകാർ
