അനിവാര്യമായ യു ടേൺ: ഷാഫി; പൊതു സമൂഹത്തിന് അഭിവാദ്യം: ബൽറാം

വിവാദമായ പൊലീസ് നിയമഭേദഗതി നടപ്പാക്കില്ലെന്ന് മുഖ്യമന്ത്രി പിണറായി വിജയൻ അറിയിച്ചതോടെ കേരളീയ പൊതു സമൂഹത്തിന് അഭിവാദ്യമർപ്പിച്ച് പ്രതിപക്ഷ നേതാക്കൾ. ‘സമയമായി. അനിവാര്യമാണ് മറ്റൊരു യു ടേൺ’ എന്നാണ് മലക്കം മറിഞ്ഞ മുഖ്യമന്ത്രിയെ പരിഹസിച്ച് ഷാഫി പറമ്പിൽ ഫെയ്സ്ബുക്കിൽ കുറിച്ചത്. ഓർഡിനൻസ് തൽക്കാലം നടപ്പാക്കാൻ ഉദ്ദേശിക്കുന്നില്ല എന്ന കേവല പ്രഖ്യാപനം കൊണ്ട് കാര്യമില്ലെന്നും ഓർഡിനൻസ് പൂർണ്ണമായി പിൻവലിച്ച് പുതിയ വിജ്ഞാപനം പുറപ്പെടുവിക്കുകയാണ് സർക്കാർ ചെയ്യേണ്ടതെന്നും വി.ടി ബൽറാം ആവശ്യപ്പെട്ടു. സമൂഹമാധ്യമങ്ങളിലും നിലപാട് തിരുത്തിയ പിണറായി വിജയനെ അഭിനന്ദിച്ചും ഒട്ടേറെ പേർ രംഗത്തെത്തി.