ആർ.ശങ്കർ ക്രാന്തദർശിയായ നേതാവ്; എ. തങ്കപ്പൻ
പാലക്കാട്: കേരളീയ രാഷ്ട്രീയത്തെ പതിറ്റാണ്ടുകൾക്കപ്പുറം നോക്കി കണ്ട
ക്രാന്തദർശിയായ നേതാവാണ് ആർ.ശങ്കറെന്ന് കെ.പി.സി.സി.ജനറൽ സെക്രട്ടറി എ.
തങ്കപ്പൻ പറഞ്ഞു. മുൻ മുഖ്യമന്ത്രിയും മുൻ കെ.പി.സി.സി.പ്രസിഡൻ്റുമായ
ആർ.ശങ്കറിൻ്റെ ചരമദിനത്തിൽ കെ.പി.സി.സി.ഒ.ബി.സി. ഡിപ്പാർട്ട്മെൻ്റ്
ജില്ലാ കമ്മിറ്റി നടത്തിയ അനുസ്മരണ യോഗത്തിൽ സംസാരിക്കുകയായിരുന്നു
അദ്ദേഹം.എയ്ഡഡ് സ്കൂൾ ജീവനക്കാർക്കുള്ള ശമ്പളം നൽകൽ ഭാവിയിൽ സർക്കാരിന്
വൻ ബാധ്യതയാകുമെന്ന് അരനൂറ്റാണ്ടു മുൻപേ ശങ്കർ പറഞ്ഞിരുന്നു. ഭരണ
കർത്താക്കൾ സാമൂഹ്യ നീതി നടപ്പാക്കുന്നതിൽ വിട്ടുവീഴ്ച ചെയ്യരുതെന്ന്
ശങ്കർ പ്രവർത്തിയിലൂടെ തെളിയിച്ചു. രാഷ്ട്രീയ രംഗത്തെ ഇന്നത്തെ
മൂല്യച്യുതി എന്നേ പ്രവചിക്കാൻ ആർ. ശങ്കറിന് കഴിഞ്ഞതായും എ. തങ്കപ്പൻ
പറഞ്ഞു.ജില്ലാ ചെയർമാൻ ആർ.എൻ.വിജയകുമാർ അധ്യക്ഷനായി. സംസ്ഥാന ചെയർമാൻ
സുമേഷ് അച്യുതൻ മുഖ്യപ്രഭാഷണം നടത്തി.
യൂത്ത് കോൺഗ്രസ് ജില്ലാ വൈസ് പ്രസിഡൻ്റ് രതിഷ് പുതുശ്ശേരി, നേതാക്കളായ
എം.ഹരിദാസ്, പ്രധീപ് കുമാർ,സുഭാഷ് പറളി,പുണ്യകുമാരി തുടങ്ങിയവർ
സംസാരിച്ചു
