അട്ടപ്പാടിയിൽ വ്യാജവാറ്റ് കേന്ദ്രം തകർത്തു
അട്ടപ്പാടിയിൽ എക്സൈസിന്റെ നേതൃത്വത്തിൽ നടത്തിയ പരിശോധനയിൽ 1,200 ലിറ്റർ വാഷും നാലുലിറ്റർ ചാരായവും പിടികൂടി. ചാരായം വാറ്റിയതിന് കള്ളമല ഊരിലെ രാജനെ (39) കസ്റ്റഡിയിലെടുത്തു. വാഷ് സിന്തറ്റിക് ടാങ്കിലാക്കി കുഴിച്ചിട്ടനിലയിലായിരുന്നു.
എക്സൈസ് സർക്കിൾ ഇൻസ്പെക്ടർ എം. രാകേഷ്, പ്രിവന്റീവ് ഓഫിസർ എം. യൂനസ്, ആർ.എസ്. സുരേഷ്, സിവിൽ ഓഫീസർ ആർ. പ്രദീപ്, വനിത സിവിൽ ഓഫീസർ എം. സ്മിത, ഡ്രൈവർ ഷിജു എന്നിവരുടെ നേതൃത്വത്തിലാണ് പരിശോധന നടത്തിയത്.
