പന്നിയംപാടത്ത് പാചകവാതക ടാങ്കറും ലോറിയും കൂട്ടിയിടിച്ചു

പന്നിയംപാടത്ത് പാലക്കാട്-കോഴിക്കോട് ദേശീയപാതയിൽ മുട്ടികുളങ്ങരയ്ക്ക് സമീപം പന്നിയംപാടത്ത് പാചകവാതക ടാങ്കർ ലോറിയും മണ്ണുമാന്തിയന്ത്രം കയറ്റിവന്ന ലോറിയും കൂട്ടിയിടിച്ചു. ലോറിയിലെ സഹായി സേലം സ്വദേശിക്ക് നിസ്സാരപരിക്ക് പറ്റി. സംഭവത്തെത്തുടർന്ന് ദേശീയപാതയിൽ ഒരു മണിക്കൂർ ഗതാഗതതടസ്സമുണ്ടായി. ചൊവ്വാഴ്ച രാവിലെ എട്ടോടെയാണ് അപകടം. പാലക്കാടുനിന്ന് മണ്ണുമാന്തിയന്ത്രം കയറ്റിവന്ന ലോറി മംഗലാപുരത്തുനിന്ന് തമിഴ്‌നാട്ടിലെ നാമക്കല്ലിലേക്ക് പാചകവാതകവുമായി വന്ന ടാങ്കർലോറിയുമായാണ് കൂട്ടിയിടിച്ചത്