ഒറ്റപ്പാലം ബാർ ഹോട്ടലില്‍ ബില്‍ അടക്കുന്നതിനെ ചൊല്ലിയുണ്ടായ തർക്കത്തില്‍ സംഘർഷം. സംഭവത്തില്‍ ഒരാള്‍ക്ക് കുത്തേറ്റു.
തോട്ടക്കര മജീദിനാണ് വയറില്‍ കുത്തേറ്റത്. ഇയാളെ കണ്ണിയംപുറത്തെ സ്വകാര്യ ആശുപത്രിയില്‍ പ്രവേശിപ്പിച്ചു.
സംഭവത്തില്‍ 4 പേർ പിടിയിലായി. ലക്കിടി സ്വദേശി നിഷില്‍, എസ്‌.ആർ.കെ നഗർ സ്വദേശി സക്കീർ ഹുസൈൻ, കണ്ണിയംപുറം സ്വദേശി അബ്ബാസ്, പാലക്കാട് സ്വദേശി ഷബീർ അലി എന്നിവരാണ് പിടിയിലായത്.
ഒന്നിച്ചിരുന്നു മദ്യപിച്ച ശേഷം ബില്‍ അടയ്ക്കുന്നതിനെ ചൊല്ലിയുണ്ടായ തർക്കമാണ് കത്തിക്കുത്തില്‍ കലാശിച്ചതെന്നാണ് പോലീസ് പറയുന്നത്.
