ശിരോവസ്ത്രം: നഗരസഭ സെക്രട്ടറിക്കെതിരെ നടപടിയാവശ്യപ്പെട്ട് വെൽഫെയർ പാർട്ടി മന്ത്രിക്ക് നിവേദനമയച്ചു.
പാലക്കാട് : അധികാര ദുർവിനിയോഗവും നിയമ ലംഘനവും നടത്തിയ പാലക്കാട് നഗരസഭാ സെക്രട്ടറിയുടെ ചുമതലയുളള ഉദ്യോഗസ്ഥക്കെതിരെ നടപടി ആവശ്യപ്പെട്ട് വെൽഫെയർ പാർട്ടി മുനിസിപ്പൽ കമ്മിറ്റി
തദ്ദേശ വകുപ്പ് മന്ത്രി,
ചീഫ് സെക്രട്ടറി, നഗരകാര്യ ഡയറക്ടർ എന്നിവർക്ക്
നിവേദനമയച്ചു.
കഴിഞ്ഞ ദിവസം ആധാർകാർഡ് അപേക്ഷ അറ്റസ്റ്റ് ചെയ്യുന്നതിന് നഗരസഭയിലെത്തിയ യുവതിയോട്
ശിരോവസ്ത്രം മാറ്റിയാൽ മാത്രമേ അറ്റസ്റ്റ് ചെയ്യുകയുള്ളു എന്ന് വാശിപിടിക്കുകയും പിന്നീട് ജനപ്രതിനിധികൾ ഇടപെട്ടതിനെ തുടർന്ന് ഗസറ്റഡ് റാങ്ക് പോലുമില്ലാത്ത ഇവർ അത് മറച്ചുവെച്ച് അറ്റസ്റ്റ് ചെയ്തു കൊടുക്കുകയും ചെയ്തിരുന്നു.
ഗുരുതരമായ നിയമലംഘനവും അധികാര ദുർവിനിയോഗം നടത്തുകയും കൂടാതെ പൗരന് ഭരണഘടന അനുവദിച്ച മൗലികാവകാശങ്ങളുടെ നിഷേധം നടത്തുകയും ചെയ്ത ഇവർക്കെതിരെ നടപടി സ്വീകരിക്കണമെന്ന് മുനിസിപ്പൽ കമ്മിറ്റി നിവേദനത്തിലൂടെ ആവശ്യപ്പെട്ടു.
