പാലക്കാട്: നിയമസഭ തെരഞ്ഞെടുപ്പിൽ വെൽഫെയർ പാർട്ടി മത്സരിക്കുന്ന തരൂർ, പട്ടാമ്പി മണ്ഡലങ്ങളിൽ യഥാക്രമം സ്ഥാനാർത്ഥികളായ സി.എ ഉഷാകുമാരി, എസ്.മുജീബുറഹ്മാൻ എന്നിവർ പ്രചരണ പ്രവർത്തനങ്ങൾ ശക്തമാക്കി. ഇരുവരും പഞ്ചായത്ത് തല പര്യടനത്തിലാണുള്ളത്. വോട്ടർമാരെ വീടുകളിലെത്തി നേരിട്ട് കാണുന്നതിന് പുറമെ സമൂഹത്തിലെ നാനാതുറകളിൽ നിന്നുള്ള വിഭാഗങ്ങളെ പ്രത്യേകം സമീപിക്കുന്നുണ്ട്. ന്യൂ ജെൻ വോട്ടർമാർ ഇരു സ്ഥാനാർത്ഥികൾക്കു മായി സജീവമായി പ്രചരണ രംഗത്തുണ്ട്. പട്ടാമ്പി മണ്ഡലം സ്ഥാനാർത്ഥി എസ്.മുജീബുറഹ്മാൻ്റെ പ്രചരണാർത്ഥം ഏപ്രിൽ 1ന് റോഡ് ഷോയും പൊതുസമ്മേളനവും നടക്കുന്നുണ്ട്.മാർച്ച് 27 ന് വെൽഫെയർ പാർട്ടി സംസ്ഥാന പ്രസിഡൻ്റ് ഹമീദ് വാണിയമ്പലവും 29 ന് വൈസ് പ്രസിഡൻറ് സുരേന്ദ്രൻ കരീപ്പുഴയും തരൂർ മണ്ഡലത്തിൽ പൊതുസമ്മേളനങ്ങളിൽ പങ്കെടുക്കും. പട്ടാമ്പിയിൽ ഏപ്രിൽ 1ലെ സമ്മേളനത്തിൽ വെൽഫെയർ പാർട്ടി സംസ്ഥാന ജനറൽ സെക്രട്ടറി കെ.എ ഷഫീക്ക്,സി.എ.എ പ്രക്ഷോഭ നായികയും ഫ്രറ്റേണിറ്റി ദേശീയ സെക്രട്ടറിയുമായ ആയിഷ റെന്ന എന്നിവരും പങ്കെടുക്കും. പ്രചരണ പ്രവർത്തനങ്ങളുടെ ഭാഗമായി കുടുംബയോഗങ്ങൾ, വാഹന പ്രചരണം എന്നിവയും നടക്കും.