കുടിവെള്ള ക്ഷാമം വെൽഫെയർ പാർട്ടി മന്ത്രിക്ക് പരാതി നൽകി
പുതുനഗരം :പുതുനഗരം ഗ്രാമ പഞ്ചായത്ത് പരിധിയിലെ കുടിവെള്ള ക്ഷാമത്തിന് ശാശ്വത പരിഹാരം കാണാൻ മുൻകൈയെടുക്കണമെന്ന് ആവശ്യപ്പെട്ട് വെൽഫെയർ പാർട്ടി നേതാക്കൾ ജലവിഭവ വകുപ്പ് മന്ത്രി കെ കൃഷ്ണൻകുട്ടിക്ക് നിവേദനം നൽകി.
നിലവിലെ പഞ്ചായത്ത് കുടിവെള്ള കണക്ഷനുകൾ പല ഭാഗത്തും ഉണ്ടെങ്കിലും കുഴൽ കിണർ വെള്ളം ആയതിനാൽ കുടി വള്ളത്തിന് പ്രദേശവാസികൾ പ്രയാസപ്പെടുകയാണ്. ചിറ്റൂർ പുഴ വെള്ളം ലഭ്യമാക്കുകയും കൂടി വെള്ളത്തിന്റെ ലഭ്യത ഉറപ്പാക്കണമെന്നും നേതാക്കൾ പരാതിയിൽ ആവശ്യപ്പെട്ടു. വേണ്ട നടപടികൾ ഉടൻ സ്വീകരിക്കാമെന്ന് മന്ത്രി നേതാക്കൾക്ക് ഉറപ്പ് നൽകി. വെൽഫെയർ പാർട്ടി നെന്മാറ നിയോജക മണ്ഡലം പ്രസിഡണ്ടി സഈദ് ഇബ്രാഹിം എസ്, പഞ്ചായത്ത് കമ്മിറ്റി അംഗങ്ങളായ നിഷാറത്ത് കെ എ , അബ്ദുൽ ഹക്കിം എസ് , റഷാദ് പുതുനഗരം എന്നിവർ സമ്പന്ധിച്ചു.
