പാലക്കാട്. സ്പീക്കർ എംബി രാജേഷിന്റെ പരാതിയില് അഡ്വ. ജയശങ്കറിനെതിരെ കേസെടുത്തു. ഒറ്റപ്പാലം ജ്യുഡീഷ്യല് ഫസ്റ്റ് ക്ലാസ് മജിസ്ടേറ്റ് കോടതിയാണ് കേസ് എടുത്തത്. നവംബര് 20ന് നേരിട്ട് ഹാജരാകാന് കോടതി ഉത്തരവിട്ടു.
വാളയാര് കുട്ടികളുടെ മരണവുമായി ബന്ധപ്പെട്ട ചാനല് ചര്ച്ചയില് ജയശങ്കര് അപകീര്ത്തികരമായ പരാമശം നടത്തിയതെന്നാണ് സ്പീക്കറുടെ പരാതി. എംബി രാജേഷിനെതിരെയും ഭാര്യ സഹോദരന് നിതില് കണിച്ചേരിക്കെതിരെയുമായിരുന്നു പരാമര്ശം.
വാളയാര് കേസില് എംബി രാജേഷും അദ്ദേഹത്തിന്റെ ഭാര്യാ സഹോദരനായിട്ടുള്ള നിതിന് കണിച്ചേരിയും മുന്കൈയ്യെടുത്താണ് പ്രതികളെ രക്ഷിച്ചിട്ടുള്ളത്. ലോകത്തെല്ലാ ആളുകള്ക്കും അറിയുന്ന കാര്യമാണത്. ആ പ്രതികളിപ്പോള് മാന്യന്മാരായി നെഞ്ചും വിരിച്ച് നടക്കുന്നു. അവര് ഡിവൈഎഫ്ഐയുടെയും സിപിഐഎമ്മിന്റെയും എല്ലാ ജാഥയ്ക്കും പോകുന്നു,’ എന്നായിരുന്നു അഡ്വ ജയശങ്കര് പറഞ്ഞത്.
. ഞാന് കൂടുതല് അയാളെ കുറിച്ച് പറയുന്നില്ല. പക്ഷെ എന്ത് തെമ്മാടിത്തം പറഞ്ഞാലും കേട്ടിരിക്കാന് വിധിക്കപ്പെട്ടൊരാളല്ല ഞാനെന്ന് അയാളോട് പറയാന് ആഗ്രഹിക്കുന്നു. നിയമനടപടി ജയശങ്കറിന് നേരെയും സ്വീകരിക്കും,’ എന്നായിരുന്നു എംബി രാജേഷ് പറഞ്ഞത്.