വിളയോടി ശിവൻകുട്ടിക്കെതിരായ പോലീസ് നടപടി അന്യായം; പ്രതിഷേധവുമായി ഫ്രറ്റേണിറ്റി
പാലക്കാട്:എൻ.സി.എച്ച്.ആർ.ഒ സംസ്ഥാന പ്രസിഡന്റും മനുഷ്യാവകാശ പ്രവർത്തകനുമായ വിളയോടി ശിവൻകുട്ടിക്കെതിരെ കള്ളക്കേസുകൾ ചാർത്തി
ജാമ്യമില്ല വകുപ്പുകൾ ചുമത്തി അറസ്റ്റു ചെയ്ത പോലീസ് നടപടി പ്രതിഷേധാർഹമാണെന്ന് ഫ്രറ്റേണിറ്റി ജില്ല സെക്രട്ടറിയേറ്റ്.വാറണ്ട് പോലുമില്ലാതെ അദ്ദേഹത്തെ അറസ്റ്റ് ചെയ്യാനെത്തിയ പോലീസ് നടപടി ദുരുദ്ദേശപരമാണ്. സാമൂഹിക രംഗത്ത് പ്രവർത്തിക്കുന്നവർക്കെതിരിൽ അനവധിയായി നടന്നുവരുന്ന ഭരണകൂട ഭീകരതയുടെ തുടർച്ചയായിട്ടേ സംഭവത്തെ കാണാൻ കഴിയുകയുള്ളൂ.വിളയോടി ശിവൻകുട്ടിയെ നിരുപാധികം വിട്ടയക്കണമെന്നും അല്ലാത്തപക്ഷം ശക്തമായ പ്രതിഷേധത്തിന് നേതൃത്വം നൽകുമെന്നും ജില്ല സെക്രട്ടറിയേറ്റ് പ്രസ്താവനയിൽ പറഞ്ഞു.
