യൂണിഫോം വിതരണ ചടങ്ങിൽവെച്ച്, സ്നേഹോപഹാരത്തോടെ യാത്രയപ്പു നൽകി. ചിറ്റൂർ; ചിറ്റൂർ അഗ്നിരക്ഷാനിലയത്തിൽ സിവിൽ ഡിഫൻസ് കോർഡിനേറ്റർ ആയി സേവനം അനുഷ്ഠിച്ചിരുന്ന ജയേഷ് പല്ലശ്ശനക്ക് ഡിസ്ട്രിക്ട് ഫയർ ഓഫീസർ ശ്രീ.വി.കെ.ഋത്വീജ് സ്നേഹോപഹാരം നൽകി. ചടങ്ങിൽ ചിറ്റൂർ ഫയർസ്റ്റേഷൻ ഓഫീസർ കെ. സത്യപ്രകാശ് അദ്ധ്യക്ഷത വഹിച്ചു.ഗ്രേഡ് അസിസ്റ്റൻറ് ഓഫീസർമാരായ എ.ഗിരി, മണികണ്ഠൻ എന്നിവരും ഫയർ ആന്റ് റെസ്ക്യൂ ഓഫീസർ എം. രമേശ്കുമാർ ആശംസ അറിയിച്ചു. സിവിൽ ഡിഫൻസ് അംഗങ്ങൾ, ഓഫീസർമാർ, സഹപ്രവർത്തകർ എന്നിവർ ചേർന്നാണ് ആത്തൂരിലെ ഫയർസ്റ്റേഷനിലേക്ക് യാത്രയാവുന്ന ജയേഷിനെ അഭിനന്ദിക്കാനായി അനുമോദന ചടങ്ങ് സംഘടിപ്പിച്ചത്. പ്രസ്തുത ചടങ്ങിൽ സിവിൽ ഡിഫൻസ് വളണ്ടിയർമാർക്കുള്ള യൂണിഫോമുകൾ ജില്ലാ ഫയർഓഫീസർ വിതരണംചെയ്തു.
