‘നരാധമൻ മോദിയോട് പ്രതിഷേധം മാത്രം,നന്ദിയില്ല’-യു.ജി.സി സർക്കുലറിനെതിരെ ക്യാമ്പസുകളിൽ ബാനറുയർത്തി ഫ്രറ്റേണിറ്റി
പാലക്കാട്:സൗജന്യ വാക്സിൻ അനുവദിച്ച നരേന്ദ്ര മോദിക്ക് നന്ദി പ്രകടിപ്പിച്ച് കോളേജുകളിൽ ബാനർ സ്ഥാപിക്കണമെന്ന
യു.ജി.സിയുടെ നിർദേശത്തിൽ പ്രതിഷേധിച്ച് ഫ്രറ്റേണിറ്റി മൂവ്മെന്റ് ജില്ലയിലെ ക്യാമ്പസുകളിൽ ബാനറുകൾ ഉയർത്തി. നരാധമൻ നരേന്ദ്ര മോദിയോട് നന്ദിയല്ല പ്രതിഷേധങ്ങൾ മാത്രമേയുള്ളൂവെന്ന് വിദ്യാർഥികൾ പറഞ്ഞു. കോവിഡ് പ്രതിരോധത്തിൽ അമ്പേ പരാജയപ്പെട്ട ഭരണകൂടത്തിന്റെ മുഖം രക്ഷിക്കാനുള്ള തന്ത്രമാണ് യു.ജി.സി സർക്കുലറിലൂടെ പുറത്തുവരുന്നതെന്നും അവർ ചൂണ്ടിക്കാട്ടി. ജില്ലയിൽ ഗവൺമെന്റ് വിക്ടോറിയ കോളേജ് പാലക്കാട്,എം.ഇ.എസ് കല്ലടി കോളേജ് മണ്ണാർക്കാട് എന്നിവയടക്കമുള്ള ക്യാമ്പസുകളിലാണ് ‘മോദിക്ക് നന്ദിയില്ല’ ബാനറുകൾ ഫ്രറ്റേണിറ്റി ഉയർത്തിയിരിക്കുന്നത്.
Photo:കോവിഡ് പ്രതിരോധാത്തിൽ പരാജയപ്പെട്ട നരേന്ദ്ര മോദി രാജി വെക്കുകയാണ് വേണ്ടതെന്ന് പറഞ്ഞ്
ഫ്രറ്റേണിറ്റി വിക്ടോറിയ കോളേജിനു മുന്നിൽ സ്ഥാപിച്ച ബാനർ.
