യു.ഡി.എഫിന്പട്ടാമ്പി നഗരസഭയിൽ
ഏഴിടത്ത് വിമതർ
പട്ടാമ്പി: പത്രിക പിൻവലിക്കാനുള്ള അവസാനദിനം കഴിഞ്ഞതോടെ പട്ടാമ്പിയിൽ മുന്നണികളുടെ മത്സരചിത്രം തെളിഞ്ഞു. യു.ഡി.എഫിന് ഏഴിടത്ത് വിമതസ്ഥാനാർഥികളുണ്ട്. കോൺഗ്രസ് മണ്ഡലം പ്രസിഡന്റ് ഉമ്മർ കിഴായൂർ പതിനാലാം വാർഡായ കിഴായൂരിൽ വിമതനായി മത്സരിക്കും. മുസ്ലിം ലീഗിനെതിരായാണ് ഉമ്മർ മത്സരിക്കുന്നത്.
ആറ് വാർഡുകളിൽ മുൻ കെ.പി.സി.സി. നിർവാഹകസമിതിയംഗം ടി.പി. ഷാജിയുടെ നേതൃത്വത്തിലുള്ള സ്വതന്ത്രകൂട്ടായ്മ മത്സരംഗത്തുണ്ട്. 10, 12, 13, 17, 18, 19 വാർഡുകളിലാണ് സ്വതന്ത്രകൂട്ടായ്മ മത്സരിക്കുന്നത്. ഈ ആറ് സീറ്റിലും എൽ.ഡി.എഫ്. സ്ഥാനാർഥിയെ നിർത്തിയിട്ടില്ല.
മുസ്ലിം ലീഗ് കഴിഞ്ഞതവണ മത്സരിച്ച ഈ സീറ്റ് കോൺഗ്രസിന് വെച്ചുമാറണമെന്നതിൽ ചർച്ച നടന്നെങ്കിലും തീരുമാനമായില്ല. തുടർന്നാണ് ഈ വാർഡിൽ മണ്ഡലം കോൺഗ്രസ് പ്രസിഡന്റ് ഉമ്മർ കിഴായൂർ മത്സരിക്കാൻ പത്രിക നൽകിയത്.
പത്രിക പിൻവലിക്കാൻ യു.ഡി.എഫിനകത്ത് ചർച്ചകൾ നടന്നെങ്കിലും ഫലപ്രദമായില്ല. എൻ.ഡി.എ. 20 സീറ്റുകളിൽ മത്സരരംഗത്തുണ്ട്. ഇതിൽ രണ്ടുപേർ സ്വതന്ത്രരാണ്.
