പാലക്കാട്: തൃശൂര്‍-പാലക്കാട് ദേശീയപാതയില്‍ വടക്കഞ്ചേരിയില്‍ ടോള്‍ പിരിക്കാനുള്ള നീക്കം ഉപേക്ഷിക്കണമെന്ന് കെ പി സി സി നിര്‍വാഹക സമിതിയംഗം എ കുമാരസ്വാമി ആവശ്യപ്പെട്ടു.
നിലവില്‍ പാലിയേക്കരയിലും വാളയാറിലും ടോള്‍ പിരിവ് നടക്കുന്നുണ്ട്. ഇപ്പോള്‍ തന്നെ പാലിയേക്കരയിലെ ടോള്‍ പിരിവിലൂടെ കരാര്‍ തുകയിലധികം പിരിച്ചു കഴിഞ്ഞു. കോടിക്കണക്കിന് രൂപയാണ് ഇത്തരത്തില്‍ സ്വരൂപിച്ചത്. വടക്കഞ്ചേരിയില്‍ കൂടി ടോള്‍ പിരിക്കുന്നത് വാഹനയാത്രികര്‍ക്ക് ഏറെ ബുദ്ധിമുട്ടുണ്ടാക്കും. ദേശീയപാതയിലൂടെ സഞ്ചരിക്കാന്‍ വന്‍ തുക നല്‍കേണ്ട സ്ഥിതി വിശേഷവും ഉണ്ടാവും. ടോള്‍ പിരിക്കാനുള്ള തീരുമാനത്തിനെതിരെ കേന്ദ്ര-സംസ്ഥാന സര്‍ക്കാരുകളില്‍ ജനപ്രതിനിധികള്‍ സമ്മര്‍ദ്ദം ചെലുത്തണമെന്നും കുമാരസ്വാമി ആവശ്യപ്പട്ടു.
വടക്കഞ്ചേരിയില്‍ ടോള്‍ പിരിക്കാനുള്ള നീക്കം ഉപേക്ഷിക്കണം
Leave a Reply
- Trending
- Comments
- Latest
