വര്‍ണാഭമായ കാഴ്ചകള്‍ ഒരുക്കുന്ന നെന്മാറ-വല്ലങ്ങി വേല ഉത്സവം ഇന്ന് ആഘോഷിക്കും.
ലോകമെന്പാടുമുള്ള മലയാളികള്‍ നെന്മാറ,വല്ലങ്ങി ദേശങ്ങള്‍ ഒരുക്കുന്ന വര്‍ണ കാഴ്ചകള്‍ ആവേശത്തോടെ വീക്ഷിക്കാറുള്ള ഉല്‍സവം ഇന്നാണ്. നെന്മാറ -വല്ലങ്ങി, വിത്തനശ്ശേരി, അയിലൂര്‍, തിരുവഴിയാട് ഉള്‍പ്പെടുന്ന കൊടകരനാട്ടിലെ വേലഉല്‍സവം കാണാന്‍ സംസ്ഥാനകത്തും പുറത്തും നിന്നുമായി ലക്ഷങ്ങള്‍ ഇന്ന് ഉത്സവപ്പറന്പിലെത്തും. ബഹുനില ആനപ്പന്തലുകള്‍ക്കും ഇവയിലെ ദീപാലങ്കാരങ്ങള്‍ക്കും പ്രശസ്തരായ ആനകളെ അണിനിരത്തിയുള്ള എഴുന്നള്ളത്തിനും വാദ്യമേളങ്ങള്‍ക്കും വെടിക്കെട്ടിനുമെല്ലാം പേരുകേട്ട ഉത്സവം ആയതിനാല്‍ നല്ല തിരക്ക് പ്രതീക്ഷിക്കുന്നുണ്ട്.
നെന്മാറ ദേശത്ത് പുലര്‍ച്ചെ നാലിന് പള്ളിവാള്‍ കടയലോടെയാണ് ആചാരങ്ങള്‍ തുടങ്ങുന്നത്.
