ഡിജിറ്റൽ ബാങ്കിംഗ് ഇടപാടുകൾ പ്രോത്സാഹിപ്പിക്കുക എന്ന ഉദ്ദേശത്തോടെ നടക്കുന്ന ഡിജിറ്റൽ പാലക്കാട് പദ്ധതിയുടെ പ്രചാരണാർത്ഥം ലീഡ് ബാങ്കിന്റെ നേതൃത്വത്തിൽ ധോണി ലീഡ് കോളേജിലെ വിദ്യാർഥികളാണ് ഫ്ലാഷ് മോബ് അവതരിപ്പിച്ചു. പാലക്കാട് മുനിസിപ്പൽ ബസ് സ്റ്റാൻഡ്, സിവിൽ സ്റ്റേഷൻ പരിസരം, മലമ്പുഴ എന്നിവിടങ്ങളിലാണ് ഫ്ലാഷ് മോബ് സംഘടിപ്പിച്ചത്. മലമ്പുഴ
സിവിൽ സ്റ്റേഷനിൽ നടന്ന പരിപാടിയിൽ അഡിഷണൽ ജില്ലാ മാജിസ്ട്രേറ്റ് കെ മണികണ്ഠൻ, ശിരസ്തദാർ ലത്തീഫ് എന്നിവർ സന്നിഹിതരായിരുന്നു. ലീഡ് ഡിസ്ട്രിക്ട് മാനേജർ ആർ പി ശ്രീനാഥ്, ലീഡ് കോളേജ് സ്റ്റാഫ് കൃഷ്ണ പ്രിയ, മുനിസിപ്പാലിറ്റിതല ബാങ്കേഴ്സ് സമിതി കൺവീനർ എസ് സജിത്ത്, ഡിജിറ്റൽ പാലക്കാട് പദ്ധതിയുടെ പ്രചാരണ വിഭാഗം കൺവീനറും ലീഡ് ബാങ്ക് ഓഫീസറുമായ സന്തോഷ്, വിവിധ ബാങ്ക് ഉദ്യോഗസ്ഥറും നേതൃത്വം നൽകി.
ഓഗസ്റ്റ് 15 ഓടെ കേരളത്തിലെ എല്ലാ ജില്ലകളിലും പൂർണ്ണമായും ഡിജിറ്റൽ ഇടപാടുകൾ നടപ്പിലാക്കുക എന്നതാണ് പദ്ധതിയുടെ ഉദ്ദേശം. ഡെബിറ്റ് കാർഡ്, യുപിഐ, ആധാർ അധിഷ്ഠിത പേയ്മെന്റ് സംവിധാനം, യുഎസ്എസ്ഡി മുതലായ ഡിജിറ്റൽ സേവനങ്ങൾ നിലവിൽ ഇല്ലാത്ത ഇടപെടുകാർ എത്രയും പെട്ടെന്ന് അവരവരുടെ ബാങ്ക് ശാഖയുമായി ബന്ധപ്പെടണമെന്ന് ലീഡ് ബാങ്ക് അറിയിച്ചു.
