പാലക്കാട് തങ്കം ആശുപത്രിയില് പ്രസവത്തിന് പിന്നാലെ അമ്മയും നവജാത ശിശുവും മരിച്ച സംഭവം പ്രത്യേക സംഘം അന്വേഷിക്കുമെന്ന് പാലക്കാട് ഡിഎംഒ.
പോസ്റ്റുമോര്ട്ടം റിപ്പോര്ട്ടും മറ്റ് വിവരങ്ങളും കിട്ടിയ ശേഷം അന്വേഷണം തുടങ്ങും. ചികിത്സാ പിഴവുണ്ടെന്ന് ഇപ്പോള് പറയാനാകില്ലെന്ന് ഡിഎംഒ പറഞ്ഞു.
പ്രസവത്തെ തുടര്ന്നുണ്ടായ അമിതമായ രക്തസ്രാവമെന്നാണ് മരണത്തിനിടയാക്കിയതെന്ന് ഐശ്വര്യയുടെ പോസ്റ്റ്മോര്ട്ടം റിപ്പോര്ട്ട് വ്യക്തമാക്കുന്നുണ്ട്.
സംഭവത്തില് ആശുപത്രിക്കും ഡോക്ടര്മാര്ക്കെതിരെ ഇന്ന് നടപടിയുണ്ടായേക്കും. ചികിത്സാ പിഴവിന് ഇന്നലെ പൊലീസ് മൂന്ന് ഡോക്ടര്മാര്ക്കെതിരെ കേസെടുത്തിരുന്നു. പ്രിയദര്ശിനി, നിള, അജിത് എന്നീ ഡോക്ടര്മാര്ക്കെതിരെയാണ് ചികിത്സാപിഴവിന് പൊലീസ് കേസെടുത്തത്. തങ്കം ആശുപത്രിക്കെതിരെ മനപ്പൂര്വ്വമല്ലാത്ത നരഹത്യക്കും കേസെടുത്തു.