ഇറിഗേഷൻ ഓഫീസിനു മുന്നിൽ ധർണ്ണ നടത്തി.
പാലക്കാട് .. മലമ്പുഴ ഡാമിലെ റിസർവോയറിനകത്ത് സിനിമാ ഷൂട്ടിങ്ങിന് അനുവാദം നൽകുകയും നിലവിലെ നിയമം കാറ്റിൽ പറത്തി സിനിമക്കാവശ്യമായ നിർമ്മാണ പ്രവർത്തനങ്ങൾ നടത്തുകയും ചെയ്തതിനെതിരെ വിവിധ കർഷക സംഘടനകളുടെ നേതൃത്വത്തിൽ താരേക്കാട് ജലസേചന വകുപ്പ് ഓഫീസിനു മുമ്പിൽ ധർണ്ണ നടത്തി. ഹെഡ് പോസ്റ്റോഫീസിനു മുമ്പിൽ നിന്നും ആരംഭിച്ച പ്രതിഷേധ മാർച്ച് എത്തിയതിനു ശേഷം ആരംഭിച്ച പ്രതിഷേധ ധർണ്ണ
കർഷക സംഘടന നേതാവായ മുതലാം തോട് മണി ഉദ്ഘാടനം ചെയ്തു. വിളയോടി വേണു അദ്ധ്യഷനായി. വിവിധ കർഷക സംഘടന നേതാക്കളും പൊതു പ്രവർത്തകരുമായ റൈയ്മൻ്റ് ആൻ്റണി, എ.കെ.സുൽത്താൻ’ സയ്ദ്ദ് മുഹമ്മദ് ,ശിവരാജേഷ്, മലമ്പുഴ ഗോപാലൻ, സതീഷ് കുത്തന്നൂർ എന്നിവർ പ്രസംഗിച്ചു
ഒരു നഗരസഭയും എട്ടു പഞ്ചായത്തുമടക്കം നാൽപത്തിയൊന്നു ലക്ഷം ജനങ്ങൾ കടിക്കുന്ന വെള്ളം വിതരണം ചെയ്യുന്നത് മലമ്പുഴ ഡാമിൽ നിന്നായിരിക്കെ റിസർവോയറിൽ സിനിമക്കു വേണ്ടി നിർമ്മാണ പ്രവർത്തികളിലേർപ്പെട്ടിരിക്കുന്ന നൂറ്റിയമ്പതിൽപരം തൊഴിലാളികൾ മലമൂത്ര വിസർജ്ജനവും വസ്ത്രം കഴുകലും കുളിക്കലും നടത്തി വെള്ളം മലിനമാക്കുന്നതായും സമരക്കാർ ആരോപിച്ചു.നടപടിയെടുത്തില്ലെങ്കിൽ ശക്തമായ സമരപ രി പാ ടികൾ പൊതുജന പങ്കാളിത്തത്തോടെ ആരംഭിക്കുമെന്നും ഉദ്ഘാടകൻ മുന്നറിയിപ്പു നൽകി.