തൊഴിലാളി വയലില് മരിച്ചനിലയില്; പന്നിക്കെണിയില്നിന്ന് ഷോക്കേറ്റതെന്ന് സൂചന
ചെര്പ്പുളശ്ശേരി : കാറല്മണ്ണയില് മറുനാടന് തൊഴിലാളിയെ പാടത്ത് ഷോക്കേറ്റ് മരിച്ചനിലയില് കണ്ടെത്തി. പശ്ചിമബംഗാള് സ്വദേശി രഞ്ജിത് പ്രമാണിക്(53) ആണ് മരിച്ചത്. പന്നിക്കെണിയില്നിന്ന് ഷോക്കേറ്റാണ് മരണം സംഭവിച്ചതെന്നാണ് സൂചന.
പാടത്ത് വാഴക്കൃഷിക്ക് ചുറ്റും കമ്പിവേലി കെട്ടിയിട്ടുണ്ട്. വൈദ്യുതിലൈനില്നിന്ന് വയര് കൊളുത്തി കമ്പിവലിയിലേക്ക് വൈദ്യുതി കടത്തിവിട്ടിരുന്നതായി കണ്ടെത്തിയിട്ടുണ്ട്. ഈ കമ്പിവേലിയില്നിന്നാണ് രഞ്ജിത്തിന് ഷോക്കേറ്റതെന്നാണ് കരുതുന്നത്. സംഭവത്തില് ചെര്പ്പുളശ്ശേരി പോലീസ് അന്വേഷണം ആരംഭിച്ചു. സ്ഥലം ഉടമയെയും പാടം പാട്ടത്തിനെടുത്ത ആളെയും കമ്പിവേലിയിലേക്ക് വൈദ്യുതിലൈന് ഘടിപ്പിച്ച ആളെയും പോലീസ് കസ്റ്റഡിയിലെടുത്തിട്ടുണ്ട്.
കാറല്മണ്ണയില് പന്നിക്കെണിയില് നിന്ന് ഷോക്കേറ്റ് ഇതരസംസ്ഥാന തൊഴിലാളി മരിച്ചു. രഞ്ജിത്ത് പ്രമാണി ആണ് മരിച്ചത്.
കൃഷി പാട്ടത്തിനെടുത്ത വ്യക്തി, അനധികൃതമായി ലൈന് വലിച്ചയാള്, ഭൂമിയുടെ ഉടമസ്ഥന് എന്നിവരെയാണ് പൊലീസ് കസ്റ്റഡിയില് എടുത്തത്. വീടിന് സമീപത്തെ പറമ്ബിനോട് ചേര്ന്നുളള പാടത്തിലാണ് കെണി വെച്ചത്.
