ആലത്തൂര് അണക്കപ്പാറയില് സ്പിരിറ്റ് ഗോഡൗണ് കണ്ടെത്തി. ഗോഡൗണില് സൂക്ഷിച്ച 420 ലിറ്റര് സ്പിരിറ്റാണ് പിടികൂടിയത്.
20 കന്നാസ് വെള്ളം ചേര്ത്ത സ്പിരിറ്റും പിടിച്ചെടുത്തു. 2000 ലിറ്റര് വ്യാജ കളള് ഈ ഗോഡൗണില് നിന്ന് തന്നെ കണ്ടെടുത്തു. എട്ട് പേരെ കസ്റ്റഡിയില് എടുത്തിട്ടുണ്ടെന്നു എക്സൈസ് സ്ക്വാഡ് അറിയിച്ചു.
തൃശൂര് സ്വദേശി സോമന് നായരാണ് മുഖ്യപ്രതി. ഇയാള് ഒളിവില് പോയി. സോമന് നായര്ക്കായി തെരച്ചില് ഊര്ജ്ജിതമാക്കിയിട്ടുണ്ട്. എക്സൈസ് കമ്മീഷണര് സ്ക്വാഡാണ് റെയ്ഡ് നടത്തിയത്.