ലോറിയിലുടെ പിറകില്‍ സ്‌കൂട്ടര്‍ ഇടിച്ച്‌ എറണാകുളം സ്വദേശികളായ ഇരട്ട സഹോദരങ്ങള്‍ മരിച്ചു. എറണാകുളം സ്വദേശികളായ ദീപക് മാത്യു ജോണ്‍(35), ദീപു ജോണ്‍(35)എന്നിവരാണ് മരിച്ചത്. ബുധന്‍ രാത്രി 10ന്‌ ദേശീയപാത കഞ്ചിക്കോട് ചെടയന്‍കാലായിലാണ്‌ അപകടം. കോയമ്ബത്തൂര്‍ ഭാഗത്ത്‌നിന്ന്‌ സ്‌കൂട്ടറില്‍ വരികയായിരുന്ന യാത്രക്കാര്‍ കോണ്‍ക്രീറ്റ്‌ മിക്സര്‍ലോറിയെ മറികടക്കുന്നതിനിടെ ടയറില്‍ കുരുങ്ങിയാണ്‌ അപകടമുണ്ടായത്‌. മൃതദേഹങ്ങള്‍ തിരിച്ചറിയാന്‍ പറ്റാത്ത നിലയിലായിരുന്നു. ലോറിയുടെ ടയര്‍ രണ്ട്പേരുടെയും ശരീരത്തിലൂടെ കയറിയിറങ്ങിയെന്ന്‌ സമീപവാസികള്‍ പറഞ്ഞു.
