ഒലവക്കോട്ട് ലഹരി വിരുദ്ധ കൂട്ട ഓട്ടം സംഘടിപ്പിച്ചു
അന്താരാഷ്ട്ര ലഹരി വിരുദ്ധ ദിനത്തോടനുബന്ധിച്ച് ഒലവക്കോട് എംഇഎസ് ഹയർ സെക്കൻഡറി സ്കൂളും പാലക്കാട് നോർത്ത് പോലീസ് സ്റ്റേഷൻ ജനമൈത്രി പോലീസും സംയുക്തമായി ലഹരി വിരുദ്ധ കൂട്ടയോട്ടം സംഘടിപ്പിച്ചു. ഒലവക്കോട് ജംഗ്ഷൻ റയിൽവേ സ്റ്റേഷനു മുൻവശത്തു നിന്ന് ആരംഭിച്ച കൂട്ട ഓട്ടം ടൌൺ ചുറ്റി സ്കൂൾ ഗ്രൗണ്ടിൽ സമാപിച്ചു.
ടൗൺ നോർത്ത് പോലീസ് സർക്കിൾ ഇൻസ്പെക്ടർ വിപിൻ കെ. വേണുഗോപാൽ കൂട്ടയോട്ടം ഫ്ലാഗ് ഓഫ് ചെയ്തു.
ജനമൈത്രി അഡീഷണൽ നോഡൽ ഓഫീസർ ആറുമുഖൻ കെ, സബ് ഇൻസ്പെക്ടർ ഓഫ് പോലീസ് ജോബ് കെ.ജെ, ജനമൈത്രി ബീറ്റ് ഓഫീസർ സുധീർ കെ,സ്കൂൾ പ്രിൻസിപ്പാൾ എം എം ലീല, ഹെഡ്മിസ്ട്രസ് കെ ഷൈനി എന്നിവർ സംസാരിച്ചു.
സ്കൂൾ അഡ്മിനിസ്ട്രേറ്റീവ് ഓഫീസർ കെ സലീം, കായികധ്യാപകൻ സേവിയർ ആന്റണി , സ്കൗട്ട് ആൻഡ് ഗൈഡ്സ് ട്രൈനർ ഉഷ പ്രദീപ്, ജനമൈത്രി പോലീസ് ഉദ്യോഗസ്ഥർ എന്നിവർ ഓട്ടത്തിന് നേതൃത്വം നൽകി
കൂട്ടയോട്ട സമാപനത്തിൽ വിദ്യാർത്ഥികൾ ലഹരി വിരുദ്ധ പ്രതിജ്ഞ എടുത്തു. ലഹരി വിരുദ്ധ ദിനാചരണങ്ങളോട് അനുബന്ധിച്ച് പോസ്റ്റർ രചന മത്സരം, സ്കിറ്റ് തുടങ്ങി വിവിധ ബോധവൽക്കരണ പരിപാടികളും അരങ്ങേറി.
