ഡൽഹി കർഷക പ്രക്ഷോഭത്തിനു ഐക്യദാർഢ്യവുമായി പ്രചരണ ജാഥ നടത്തി

ഒറ്റപ്പാലം ദില്ലി കർഷ സമര ഐക്യദാർഢ്യ സമിതിയുടെ ആഭിമുഖ്യത്തൽ ഇന്ന് ഒറ്റപ്പാലം താലൂക്കിന്റെ വിവിധ കേന്ദ്രങ്ങളിലൂടെ ഐക്യദാർഡ്യ പ്രചരണ ജാഥ നടത്തി. പത്തൊമ്പതാംമൈലിൽ സമിതി പ്രസിഡന്റ്
ഡോ. പി.സരിൻ (IAAS) ജാഥ ഉത്ഘാടനം ചെയ്തു. സമരഭൂമിയായ സിംഗു സന്ദർശിച്ചതിന്റെ അനുഭവങ്ങളും അവിടെ കണ്ട കർഷകരുടെ നിശ്ചയദാർഢ്യവും വിശദീകരിച്ചു കൊണ്ടും സുപ്രീം കോടതിയുടെ ഇടപെടലിലൂടെ ഈ കർഷ സമരം വിജയിക്കുമെന്ന് അദ്ദേഹം തന്റെ ഉത്ഘാടന പ്രസംഗത്തിൽ പറഞ്ഞു. ഹോട്ടൽ അസോസിയേഷൻ ജില്ലാ വൈസ് പ്രസിഡന്റ് കെ.വി ഷംസുദ്ദീൻ, ഫ്‌റൂട്ട് മർച്ചന്റ്സ് അസോസിയേഷൻ സംസ്ഥാന പ്രസിഡന്റ് പി.വി.ഹംസ, ഇബ്രാഹിം (എൻ.സി.പി), ജയരാജൻ (കേരള കോൺഗ്രസ്സ് ജേക്കബ് വിഭാഗം ) കെ. അബ്ദുൾ അസീസ് (എ.ഐ.കെ.കെ.എം. എസ്), അനീഷ് (ഐ.എൻ.സി) സമിതിയംഗങ്ങളായ സൈതലവി, വാസുദേവൻ ചുള്ളിക്കോട് എന്നിവർ പ്രസംഗിച്ചു. ജാഥ ക്യാപ്റ്റൻ തോമസ് ജേക്കബ് അദ്ധ്യക്ഷത വഹിച്ച യോഗത്തിൽ സമിതി കൺവീനർ ജോസ് കെ ജോഷ്വാ സ്വാഗതവും കെ.വി.ഷംസുദ്ദീൻ നന്ദിയും പ്രകാശിപ്പിച്ചു. ഒറ്റപ്പാലം, കണ്ണിയമ്പുറം, തൃക്കങ്ങോട്, വാണിയങ്കുളം, കയിലിയോട്, ചളവറ, കീഴൂർ, തൃക്കങ്ങോട്, അമ്പലപ്പാറ, മണ്ണൂർ, പത്തിരിപ്പാല, മംഗലം, നല്ലി കുറിശ്ശി എന്നീ കേന്ദ്രങ്ങളിൽ പര്യടനം നടത്തി ജാഥ മുരിക്കും പെറ്റയിൽ സമാപിച്ചു.