റോഡ് നവീകരണത്തോടനുബന്ധിച്ച് രാഷ്ട്രീയ പ്രതിനിധികളുടേയും, സംഘടനകളുടെയോഗം ചേരും
(രാമദാസ് ജി.കൂടല്ലൂർ.)
പല്ലാവൂർ.
പല്ലാവൂർ- കുനിശ്ശേരി റോഡ് നവീകരണ വിഷയവുമായി ബന്ധപ്പെട്ട് ഇന്നലെ പല്ലശ്ശന പഞ്ചായത്തിൽ വച്ച് ചേർന്ന പഞ്ചായത്ത്തല റോഡ് റെഗുലേറ്ററി കമ്മിറ്റിയുടെ തീരുമാനപ്രകാരം 17-03-2023 കാലത്ത് 11 മണിക്ക് പല്ലാവൂർ കൃഷിഭവനിൽ രാഷ്ട്രീയ പാർട്ടി പ്രതിനിധികളുടെയും , വ്യാപാരി വ്യവസായികളുടെയും , ഓട്ടോ ടാക്സി പ്രതിനിധികൾ , മറ്റ് സംഘടനകൾ തുടങ്ങിയവരുടെയും യോഗം വിളിച്ചു ചേർക്കുവാൻ തീരുമാനിച്ചു. പ്രസ്തുത ഭാഗത്ത് നിർമ്മാണ പ്രവർത്തനങ്ങൾ നടക്കുന്നതുമായിബന്ധപ്പെട്ട് വാഹനങ്ങളുടെ ഗതാഗത നിയന്ത്രണം, യാത്രക്കാരുടെ ഗതാഗത വിഷമതകൾ, പ്രസ്തുത റോഡിനു കുറുകെ മലമ്പുഴ കനാലിൽ തകർന്നു കിടക്കുന്ന സൈഫൺ, റോഡ് നവീകരണ കാലയളവിൽ ഈ പ്രദേശത്ത് വരുന്ന ഉത്സവം എന്നിവ ചർച്ചാവിഷയമാകുമെങ്കിലും, തകർച്ച സംഭവിച്ച സൈഫണിൻ്റെ പുനർ നിർമ്മാണവും ഏവരും ആശങ്കയോടെയാണ് കാണുന്നത്.
