ദക്ഷിണ റെയിൽവേ നാടക മത്സരം: പാലക്കാടിന് ഒന്നാം സ്ഥാനം
പാലക്കാട്: ദക്ഷിണ റെയിൽവേ നാടകം മത്സരത്തിൽ പാലക്കാട് റെയിൽവേ ഡിവിഷൻ ഒന്നാം സ്ഥാനം നേടി. ചെന്നൈ ദക്ഷിണ റെയിൽവേ ആസ്ഥാനത്ത് നടന്ന സോണൽതല ഹിന്ദി നാടക മത്സരത്തിലാണ് പാലക്കാട് റെയിൽവേ ഡിവിഷൻ ടീമിനു ഒന്നാം സ്ഥാനം ലഭിച്ചത്.
എ ശാന്തകുമാർ രചിച്ച ‘ബെസ്റ്റ് ആക്ടർ’ എന്ന നാടകത്തിന്റെ ഹിന്ദി വിവർത്തനം നിർവഹിച്ചത് നിപൂണ്ണ ശശിധരനും ലക്ഷ്മി വിശ്വനാഥനും ചേർന്നാണ്.
അഞ്ജലി, ത്രേസ്യമ്മ ജോൺ, ലക്ഷ്മി വിശ്വനാഥൻ, നന്ദകുമാർ, ലാസ്ലി, എ അനിൽകുമാർ, ഷഫീർ പുതുനഗരം, സുധീർ വടവനൂർ, ഷിജു മൂപ്പുഴ, സുഭാഷ്, സുമതി ഭാസ്കരൻ തുടങ്ങിയവർ അരങ്ങിലും ഷാജു ചെമ്പുക്കാവ്, കൃഷ്ണദാസ്, പ്രതീഷ് കുമാർ, ജയപ്രകാശ്, സൈലരാജ്, ചെന്തമരാക്ഷൻ എന്നിവർ അണിയറയിലും പ്രവർത്തിച്ചു.
ദക്ഷിണ റെയിൽവേയിലെ ആറു ഡിവിഷനുകളുടെ ടീമുകളും ചെന്നൈ ആസ്ഥാന ടീമും ഉൾപ്പടെ ഏഴു ടീമുകളുടെ നാടകങ്ങളാണ് മത്സരത്തിൽ അവതരിപ്പിച്ചത്.
ഒന്നാം സ്ഥാനം നേടിയ പാലക്കാട് ഡിവിഷന്റെ നാടകം ദേശിയ തലത്തിലുള്ള ഇന്ത്യൻ റെയിൽവേ ഹിന്ദി നാട്യോത്സവത്തിൽ അരങ്ങേറും.
