റെയില്‍വേ സ്റ്റേഷനിലെ ടിക്കറ്റ് കൗണ്ടറില്‍ കൃത്രിമ തിരക്കുണ്ടാക്കി പോക്കറ്റടിക്കുന്ന മൂന്നംഗ സംഘം അറസ്റ്റില്‍
കൊലക്കേസില്‍ ഉള്‍പ്പെടെ പ്രതികളായ കാവല്‍പ്പാട് സ്വദേശികളും സഹോദരങ്ങളുമായ ഷിജു, സാജന്‍ സുഹൃത്ത് മണികണ്ഠന്‍ എന്നിവരെയാണ് പാലക്കാട് ഒലവക്കോടില്‍ റെയില്‍വേ പൊലീസ് പിടികൂടിയത്. വിവിധ പൊലീസ് സ്റ്റേഷനുകളില്‍ ഇവര്‍ക്കെതിരെ കേസുകളുണ്ടെന്ന് അന്വേഷണസംഘം പറഞ്ഞു. നിരവധി കേസുകളിൽ പ്രതികാണ് റിസര്‍വേഷന്‍ കൗണ്ടറിന് സമീപം മൂന്നുപേരും നിൽക്കും.
രണ്ടു പേര്‍ പരിസരം നിരീക്ഷിക്കും. തുടര്‍ന്ന് ബോധപൂര്‍വം തിരക്കുണ്ടാക്കി പേഴ്‌സ് കവരുന്നതാണ് സംഘത്തിന്റെ രീതി. കിട്ടുന്ന പണവും ആഭരണങ്ങളും വിലപിടിപ്പുള്ള വസ്തുക്കളും തുല്യമായി വീതിക്കും. ലഹരി ഉപയോഗത്തിനും ധൂര്‍ത്തിനുമാണ് പണം ചെലവഴിക്കുന്നതെന്ന് റെയില്‍വേ പൊലീസ്. വ്യത്യസ്ത സ്റ്റേഷനുകളില്‍ പിടിച്ചുപറി, അടിപിടി, കവര്‍ച്ച തുടങ്ങിയ കേസുകളില്‍ മൂവരും പ്രതികളാണ്.
