മുന്നോക്ക വിഭാഗത്തിലെ പിന്നോക്ക സംവരണം സ്വാഗതാർഹം:ഓൾ ഇന്ത്യ വീരശൈവ സഭ
പാലക്കാട്: മുന്നോക്ക വിഭാഗത്തിലെ പിന്നോക്ക സംവരണം സ്വാഗതം ചെയ്യുന്നു എന്നാൽ പിന്നോക്ക സമുദായങ്ങളിലെ ചില സമുദായങ്ങളുടെ സംവരണം വൈകിപ്പിക്കുന്നതും വീരശൈവ സമുദായത്തിലെ കുരുക്കൾ, ചെട്ടി, ചെട്ടിയാർ വിഭാഗത്തിന് പാലക്കാട് താലൂക്ക് പരിധിയിൽ ജാതി സർട്ടിഫിക്കറ്റ് നിഷേധിക്കുന്നത് പ്രതിഷേധാർഹമാണെന്ന് ഓൾ ഇന്ത്യ വീരശൈവ സഭ സംസ്ഥാന ജനറൽസെക്രട്ടറി കെ.ഗോകുൽദാസ് പറഞ്ഞു.
ഓൾ ഇന്ത്യ വീരശൈവ സഭ പാലക്കാട് ജില്ല ടൗൺ കമ്മിറ്റി യോഗത്തിൽ മുഖ്യ പ്രഭാഷണം നടത്തുകയായിരുന്നു അദ്ദേഹം.കോവിഡ് മാനദണ്ഡങ്ങളോടെ വടക്കന്തറ താമരക്കുളം ഐശ്വര്യയിൽ ചേർന്ന യോഗം ടൗൺ വൈസ് പ്രസിഡൻ്റ് ‘എസ്. ജ്ഞാന ശേഖരൻ ഉദ്ഘാടനം ചെയ്തു.മണികണ്ഠൻ പി രായിരി അദ്ധ്യക്ഷനായി. സുരേഷ് തിരു നെല്ലായി, സി.മുരുകൻ, കെ.രമേഷ് ബാബു, അഭിനയ, അജിമോൾ, സി. കൃഷ്ണൻ, മണികണ്ഠൻ പാലക്കാട്, കുട്ടൻ കണ്ണാടി, എന്നിവർ പ്രസംഗിച്ചു.
വീരശൈവ സമൂദായത്തിലെ വിഭാഗത്തിൻ്റെ ഗസറ്റ് വിജ്ഞാപനം ഉടൻ നടത്തണമെന്ന് യോഗം സർക്കാരിനോട് ആവശ്യപ്പെട്ടു.
