വാരണി പുഴയിൽ അകപ്പെട്ടവരെ രക്ഷിച്ച കുട്ടികളെ എ.പ്രഭാകരൻ എം.എൽ.എ ആദരിച്ചു

മലമ്പുഴ: കുളിക്കുന്നതിനിടെ വാരണി പുഴയിൽ അകപ്പെട്ട രണ്ടു സ്ത്രീകളെയും, കുഞ്ഞിനെയും രക്ഷിച്ച കുട്ടികളുടെ വീട്ടിലെത്തി എ.പ്രഭാകരൻ എം.എൽ.എ ആദരിച്ചു. വൈകീട്ട് അഞ്ചിന് വാരണി അക്കരകാട്ടിലെത്തിയ എ. പ്രഭാകരൻ എം.എൽ.എയും, കേരള ബാങ്ക് മാനേജർ പ്രീത കെ മേനോനും ചേർന്ന് കുട്ടികൾക്ക് സമ്മാനം നൽകി. പഞ്ചായത്ത് സ്ഥിരം സമിതി അധ്യക്ഷൻ ബി. ബിനോയി, കല്ലേപുള്ളി ശാഖ മാനേജർ വിനോദ് എന്നിവരും കുട്ടികളെ അനുമോദിച്ചു. നേരത്തെ മലമ്പുഴ പോലീസും കുട്ടികളെ സമ്മാനം നൽകി അനുമോദിച്ചിരുന്നു.