പതിനഞ്ചാം നാള് പോളിംഗ് ബൂത്തില് പൊങ്ങി രാഹുല് മാങ്കൂട്ടത്തില് എംഎല്എ, വോട്ട് രേഖപ്പെടുത്തി
കേസുകളില് പ്രതിയായി ഒളിവില് കഴിഞ്ഞിരുന്ന പാലക്കാട് എംഎല്എ രാഹുല് മാങ്കൂട്ടത്തില് തദ്ദേശസ്വയംഭരണ തിരഞ്ഞെടുപ്പില് വോട്ട് ചെയ്യാൻ എത്തി.
വൈകിട്ട് 4.50 ഓടെ തിരക്ക് കുറഞ്ഞ സമയത്താണ് അദ്ദേഹം കുന്നത്തൂർമേട് സൗത്തിലെ സെന്റ് സെബാസ്റ്റ്യൻസ് സ്കൂളിലെ പോളിങ് ബൂത്തിലെത്തിയത്. ഔദ്യോഗിക കാറിലെത്തിയ രാഹുല് വോട്ട് രേഖപ്പെടുത്തിയ ശേഷം മാധ്യമപ്രവർത്തകരോട് പ്രതികരിക്കാതെ മടങ്ങി. കേസെടുത്തതിന് പിന്നാലെ മുങ്ങിയ രാഹുല് പതിനഞ്ചാം നാളിലാണ് പോളിംഗ് ബൂത്തില് പൊങ്ങുന്നത്.
