രാഹുലുമായി നഗരസഭാ അധ്യക്ഷ വേദി പങ്കിടാൻ പാടില്ലായിരുന്നു, ചെയ്തത് അരുതാത്ത കാര്യം; BJP ജില്ലാ നേതൃത്വം
രാഹുലുമായി നഗരസഭാ അധ്യക്ഷ വേദി പങ്കിടാൻ പാടില്ലായിരുന്നു. വേദി പങ്കിടരുതെന്നാണ് പാർട്ടി നിലപാടെന്നും ബിജെപി പാലക്കാട് ഈസ്റ്റ് ജില്ലാ അധ്യക്ഷൻ പ്രശാന്ത് ശിവൻ പറഞ്ഞു.
രാഹുല് മാങ്കൂട്ടത്തിലിനെതിരായ പ്രതിഷേധവുമായി ബിജെപി മുന്നോട്ടുപോകും. അതിന്റെ ഭാഗമായി ഇപ്പോഴും പ്രതിഷേധം നടക്കുന്നുണ്ട്. രാഹുല് മാങ്കൂട്ടത്തിലിനൊപ്പം ബിജെപിയുടെ ഒരു പ്രവർത്തകരും വേദി പങ്കിടരുതെന്നും അദ്ദേഹവുമായി സഹകരിക്കരുത് എന്നുമാണ് പാർട്ടി നിലപാട്. അതില്നിന്നും ഒരിഞ്ച് പോലും പാർട്ടി പിന്നോട്ടു പോയിട്ടില്ല. രാഹുല് രാജിവെക്കണം എന്നതാണ് തങ്ങളുടെ ആവശ്യമെന്നും പ്രശാന്ത് ശിവൻ പറഞ്ഞു.
