പുലിക്ക് വിദഗ്ധ ചികിത്സ
നൽകും
പാലക്കാട് അയിലൂർ പൂഞ്ചേരിയിൽ ഇന്നലെ പിടിയിലായ പുലിക്ക് വിദഗ്ധ ചികിത്സ നൽകും. . ബാഹ്യമായി പുലിക്ക് യാതൊരു പരിക്കും ഇല്ലെന്നും എന്നാൽ അവശതയുണ്ടെന്നും വനംവകുപ്പ് വ്യക്തമാക്കി. എന്നാൽ ഇന്ന് ആരോഗ്യനില വീണ്ടും പരിശോധിച്ച് തൃശൂരിലേക്ക് മാറ്റിയേക്കും.
ഒരു വയസുളള ആൺ പുലിയെയാണ് ഇന്നലെ റബ്ബർ എസ്റ്റേറ്റിന് സമീപത്ത് വച്ച് കാണപ്പെട്ടത്.
പിടികൂടുമ്പോൾ അവശനിലയിലായിരുന്നു ആൺപുലി. 12 മണിക്കൂറുകൾക്ക് ശേഷമാണ് പുലിയെ പിടികൂടി വനംവകുപ്പ് കേന്ദ്രത്തിലേക്ക് മാറ്റാനായത്
